भांगरभूंय | प्रतिनिधी
भांगरभूंय । प्रतिनिधी
पणजीः चिंबल जंक्शना कडेन शुक्राराक सकाळी कदंब बस आनी सायकलस्वार हाचे मदीं जाल्ल्या अपघातांत सायकल चलोवपी देवू म्हार्दोळकार (59 चिंबल) हांका मरण आयलें. पोरणे गोंय पुलिसांनी कदंब ड्रायव्हर रुपेश मुडकुडकार (आगोंद) हाचे आड गुन्यांव नोंद केला.
सकाळीं साडे स वरांचेर हो अपघात जालो. चिंबल जंक्शना कडेन रस्तो हुपपी देवू म्हार्दोळकाराक बशीचो धपको बसलो. ताका जीएमसी हॉस्पिटलांत व्हेलें मात दोतोरांनी ताका मरण आयिल्ल्याचें जाहीर केलें. पोस्ट मॉर्टेमा उपरांत कूड सोयऱ्यांचे सुवादीन केली. पोरण गोंय पुलिसांनी घडणुकेचे सुवातेर येवन पंचनामो करून ड्रायव्हराक अटक करून सांजे 10 हजारांचे वैयक्तीक हमीचेर ताका सोडलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
