भांगरभूंय | प्रतिनिधी
भांगरभूंय । पत्रक
पणजीः भाजपाचो म्हणयारो उर्फान मुल्ला हांचे वरवीं चिंबलांत चलयतात ते बेकायदेशीर शाळेचेर कारवाय करपाची मागणी आम आदमी पक्षाच्या गोंय फांट्याचो अध्यक्ष अॅड अमीत पालेकार हांणी मु्ख्यमंत्री डॉ प्रमोद सावंत हांचे कडेन केल्या.
उर्फान मुल्ला हांणे चिंबल हांगा सरकारी प्राथमीक शाळेच्या 300 मीटर अंतराचेर नवी शाळा बांदून अधिकाराचो गैरवापर केला असो आरोप करून हे शाळचेर कारवाय करची हे खातीर आपणे चिंबल पंचायत मंडळ, नगर आनी ग्रामीण नियोजन खातें (टीसीपी), शिक्षण खात्याक हाचे पयलीं कायदेशीर नोटीस धाडल्या अशी म्हायती पालेकार हांणी दिल्या.
ही शाळा व्हडले मालमत्तेचो वांटो आशिल्ले सुवातेंत बांदल्या. ती टीसीपी नेमाच्या उपविभाजीत केल्ली ना. कसलेंय बांदकाम करचे पयलीं रुपांतरण सनद अनिवार्य आसता. मात मुल्ला हांणी सगल्या नेमांचें उल्लंघन करून लेगीत ताचे इमारतीक शाळा सुरू करपाक शिक्षण खात्यान ना हरकत दाखला दिला अशें पालेकार हांणी सांगलें. हे शाळे सामकार रस्तो ना. हे शाळे कुशीक चिंबल पंचायतीन कोयर हाडून उडोवपा खातीर सुवात तयार केल्या. हे शाळेंत शिकपी विद्यार्थ्याचे भलायके खातीर असुरक्षीत आसा अशें तांणी म्हणलां. मुख्यमंत्र्यांनी फावो ती कारवाय केली ना जाल्यार न्यायालयांत वचपाची शिटकावणी अॅड पालेकार हांणी सरकाराक दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.