भांगरभूंय | प्रतिनिधी
नावेलीच्या स्पोर्टींग क्लबाक 2-1 अशा गोल फरकांनी हारोवन येजमान चांदर स्पोर्ट्स क्लबान 47वे चांदर सिमन्स घोळटो करंड फुटबॉल सर्तीचे फायनलींत सुवात मेळयली. मॅच चांदर फुटबॉल मैदानाचेर जाली. दोनूय पंगडांनी जबरदस्त खेळ केलो.
पूण, चांदर क्लबाक जैत जोडपाक येस आयलें. मॅचींतले सगले गोल दुसऱ्या अर्दांत पडले. नावेली स्पोर्टींगान 54व्या मिनटाक गोल करून खातें उगडलें. हो गोल रोवन परेरान केलो. चांदर स्पोर्ट्स क्लबान उपरांत आक्रमक खेळ केलो आनी ताचो फायदो ताका रोखडोच जालो. ताणें फाटोफाट दोन गोल केले. पयलो गोल लुई नोरोन्हान केलो जाल्यार दुसरो गोल तीन मिनटांनी म्हणल्यार 61व्या मिनटाक व्हिक्टोरिनो फर्नांडीसान केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
