भांगरभूंय | प्रतिनिधी
दिल्लींत 18 ते 20 जून ह्या कालावधीत जावपी योग ऑलिम्पियाडा खातीर खेळां आनी युवा वेव्हार खात्यान गोंयचो पंगड जाहीर केलो. निवड चांचणी प्रक्रियेंतले कामगिरीच्या आदाराचेर खेळगड्यांची निवड केली. सर्ती पयलीं शिबीर 8 ते 14 जून ह्या कालावधीत मीरामारच्या यूथ हॉस्टेलांत सांजेच्या 4 ते 5 ह्या कालावधीत जातलें. निवड जाल्ले खेळगडेः माध्यमीक पांवड्या वयल्यो चलयोः वैदेही शेटये आनी वैदेही सावयकार (दोगांय डॉ. के ब हेडगेवार विद्यालय, कुजिरा), नंदिनी धिमण (गुरुदास गांवस स्मृती विद्यालय, सांखळी), स्वरा म्हामल (आर डी खलप विद्यालय, मांद्रें), उच्च माध्यमीक पांवड्या वयले चले आनी चलयोः शौर्य भगत (डॉ. के ब हेडगेवार विद्यालय, कुजिरा), आरिफ खान (दत्ताराम मंत्रवादी स्मृती विद्यालय, म्हापशें), दिव्यत्व जल्मी (महात्मा गांधी सेंट मेरी स्कूल, गावणे), आरुष गांवकार (अवर लेडी ऑफ ग्रेस हायस्कूल, दिवचल), यशिका चेवली (केंद्रीय विद्यालय 2, वास्को), मनस्वी दास (केंद्रीय विद्यालय 1, वास्को), इमा पाटील (सारस्वत विद्यालय, म्हापशें), शिवन देसाय (ज्ञानविकास स्कूल, आल्त बेती).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
