भांगरभूंय | प्रतिनिधी
पणजी : डिसेंबर आनी जानेवारी म्हयन्यांत हजारांनी पर्यटक गोंयांत नाताळ, नवें वर्स मनोवपाक येतात. हे खेपो पर्यटक गोंयांत भितर सरतना वांगडा कोरोनाय भितर सरलां अशें दिसूंक लागलां. अशें म्हणपाक कारण म्हळ्यार हालींच दिल्ल्या अपडेटी प्रमाण गोंय कोरोनाच्या सक्रीय दुयेतींच्या आंकड्यांत सध्या दुसरे सुवातेर आसा.
SARS-CoV-2 Genomics Consortium (INSACOG) च्या हालींच आयिल्ल्या अपडेटा प्रमाण गोंयांत ६१ सक्रीय कोवीड पॉसिटीव्ह दुयेंती आसात. तशेंच जंय कोविडाक सुरवात जाली केरळांत ८३ सक्रीय कोवीड पॉसिटीव्ह दुयेंती आसात. गुजरातांत आतां मेरेन ३४ जेएन. १ प्रकरणां नोंद जाल्ल्यान तें तिसरे सुवातेर आसा. जाल्यार कर्नाटक आनी महाराष्ट्रांत दरेकी आठ दुयेंती मेळ्ळ्यात. राजस्थानांत पांच, तामिळनाडूक चार, तेलंगणा दोन आनी दिल्ली आनी ओडिशा दरेकी एक केस आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
