भांगरभूंय | प्रतिनिधी
पणजी : देशांत नवे कोवीड दुयेंती मेळपाचें प्रमाण वाडिल्ले आसतानाच राज्यात सध्या 23 सक्रीय कोवीड दुयेंती आसात. सप्तकात दर दिसा दोन ते पाच नवे दुयेंती मेळटात. मंगळारा 3 नवे दुयेंती मेळिल्ल्यान सक्रीय दुयेंतींचो आंकडो 23 जाला. दर दिसा अदमासे 100 चांचण्यो जावन नवे दुयेंती मेळटात. आरटीपीसीआर चांचण्यो वाडोवपा सयत दुयेंतींक आयझोलेशनांत रावपाचे निर्देश आसात. फाटल्या म्हयन्यांत सक्रीय दुयेंती शून्य आशिल्ले. कोवीड पॉझीटिव्ह दुयेंतींनी मास्क घालपा सयत घरांत आयझोलेशनांत रावपाक जाय. चांचणीचो अहवाल पॉझिटीव्ह आयले उपरांत तांंकां सात दीस आयझोलेशनांत रावपाचो सल्लो दितात. हेरांंक कोविडाची लागण जावपाक जाय ना, हो हाचे फाटलो हेत. जे कोवीड दुयेंती मेळटात तांंचे दुयेंस गंंभीर ना, अशें भलायकी खात्यांतले डॉ. प्रकाश सुर्यवंंशी हांणी सांंगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
