भांगरभूंय | प्रतिनिधी
गोकुळवाडी-सांखळेच्या गुरूदास गांवस विद्यालयांत धा दिसांचें गिमाळें शिबीर जालें. ह्या शिबिरांत चित्रकला, साबार कार्यानुभव, साबार नाच तशेंच क्रिकेट, कबड्डीचें प्रशिक्षण हे कार्यशाळेंत दिलें.
चित्रकला विशयांत मंडल आर्ट, थ्रेड पेंटिंग, कपड्यां पासून पोतयो करप, फुलांच्यो वेणयो घालप तशेंच नाट्य प्रशिक्षणूय दिलें. हे कार्यशाळेंत प्रीती उसपकार, शुभलक्ष्मी च्यारी, संदीप गांवस, अंकिता परब, अभिदीप देसाय, रीटा लोबो, अक्षता कुंडयकार, नागराज गडेकार आनी वीरेंद्र माजीक हांणी मार्गदर्शन केलें. सुमार 200 विद्यार्थी हातूंत वांटेकार जाले.
कार्यशाळेचें उक्तावण संस्थेचे अध्यक्ष प्रताप गांवस, वेवस्थापिका गीता गांवस, प्रभारी मुख्याध्यापिका लक्ष्मी सिनारी, वीरेंद्र माजिक हांचें हाजिरेंत फीत कापून उक्तावण केलें. ह्या अध्यक्ष प्रताप गांवस आनी वेवस्थापिका गीता गांवस हांणी विद्यार्थ्यांक मार्गदर्शन केलें. अक्षता कुंडयकार हांणी सुत्रसंचालन केलें जाल्यार वीरेंद्र माजिक हांणी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
