भांगरभूंय | प्रतिनिधी
पणजीः कोंकणी नाटक संगीत अकादेमी आयोजीत कोकणी गीत संगीत व्हिडियो आल्बम महोत्सवांत भावगीत आनी भक्तीगीत विभागांतल्या जैतवंतांक पुरस्कार भेटयले.
भक्तिगीत विभागांत अ कप ऑफ टी प्रॉडक्शनाचें ‘गजानना गणराया’, जाल्यार भावगीत विभागांत प्रियांश फिल्म अॅण्ड एंटरटेनमेंटाचें ‘योद्धा’ हे व्हिडियो आल्बम पुराय निर्मितींत उत्कृश्ठ थारले.
भक्तिगीत विभागांत उत्कृश्ठ निर्मितींत गौराज तळावलीकार लिरिक्स स्टुडियोचें ‘हरिद्वार’, मयुरेश साळगांवकार हाचें ‘भगवती माये’ ह्या गितांक नामांकन फावो जालें. भावगीत विभागांत यूथ आर्ट गबरू हाच्या ‘कित्याक तूं’ तशेंच कोंकणी भाशा मंडळ निर्मीत ‘मागणें, ह्या गितांक नामांकन फावो जालें.
भक्तिगीत विभागांत उत्कृश्ठ दिग्दर्शन वैभव नायक (गजानना गणराया), जाल्यार नेहाल चारी (हरिव्दार), मयुरेश साळगांवकार (लईराई) आनी चेतन खेडेकार (आई लईराई) हांकां नामांकनाचो मान फावो जालो.
उत्कृश्ठ छायाचित्रण नेहाल च्यारी (गजानना गणराया), जाल्यार कल्पीत गांवकार, (आई लईराई) आनी देव नायक (दामोदरा) हांकां नामांकनां मेळ्ळीं.
उत्कृश्ठ अभिनय पुरस्कार वेद आमोणकार (गजानना गणराया) जाल्यार उत्कृश्ठ अभिनेत्री पुरस्कार सुश्मिता पै काणे (हरिद्वार) हांकां फावो जालीं.
उत्कृश्ठ गायिका गौतमी हेदे बांबोळकार (हरिद्वार) जाल्यार नामांकन सिद्धी सुर्लेकार पिळगांवकार (उलो मारता दामोदरा), गीतगंधा गाड (आई म्हात्राई) हांकां फावो जालीं. तशेंच अनुश्का साळगांवकार (जय हरी विठ्ठल) हांकां प्रमाणपत्र दिलें.
उत्कृश्ठ गायक अक्षय नायक (नित्य तुजें) जाल्यार नरेंद्र वायंगणकार (लईराई) आनी लक्ष्मण नायक (श्री शांतादुर्गा तू माही माऊली) हांकां नामांकनाचो मान मेळ्ळो.
उत्कृश्ठ संगितकाराचो पुरस्कार लक्ष्मण नायक (श्री शांतादुर्गा तूं माही माऊली) हांकां फावो जालो. तशेंच अक्षय नायक (कामाक्षे तुजो जयजयकार) आनी सुजन सावंत (आई म्हात्राई) हांकां नामांकन मेळ्ळें.
भक्तिगीत विभागांत उत्कृश्ठ गीतरचना पुरस्कार डॉ. हनुमंत चोपडेंकार (आई लईराई) हांकां फावो जालो, जाल्यार निलय नायक (उलो मारता दामोदरा) आनी ऋषिकेश कदम (श्री शांतादुर्गा तूं माही माऊली) हांकां नामांकन मेळ्ळें.
भावगीत विभागांत उत्कृश्ठ छायाचित्रण निलेश केणी (योद्धा), जाल्यार संजय प्रभुगांवकार (कित्याक तूं) आनी यश मरमंगलम (तुजोच साथ) हांकां नामांकन मेळ्ळें.
उत्कृश्ठ दिग्दर्शन सिध्दांत खांडेकार (कित्याक तूं) जाल्यार रामा शिरोडकार (तुजोच साथ), अथांग वेर्णेंकार (भांगरा म्हज्या) हांकां नामांकन मेळ्ळें.
उत्कृश्ठ अभिनेतो पुरस्कार अनिकेत मडकयकार (तुजोच साथ) तशेंच विशाल पागी (श्रीवल्ली) आनी शुभंकर खांडेपारकार (जिणेची राणी) हांकां नामांकन मेळ्ळें. उत्कृश्ठ अभिनेत्री पुरस्कार सोबिता कुडतरकार (जिणेची राणी) हाका जाल्यार श्रद्धा पागी (श्रीवल्ली) आनी जुवी बांदेकार (तुजोच साथ) हांकां नामांकन मेळ्ळें.
उत्कृश्ठ गायक पुरस्कार लक्ष्मण नायक (श्रीवल्ली) जाल्यार शीव नायक (रे मोगा) आनी स्वदेश आळवे (याद तुजी) हांकां नामांकन मेळ्ळें.
उत्कृश्ठ गायिकेचो पुरस्कार सई वझे (भांगरा म्हज्या) हाका, उत्कृश्ठ संगितकाराचो पुरस्कार मुकेश घाटवळ (तुजें पिशें) हांकां फावो जालें. तशेंच मंदार केळकार (भांगरा म्हज्या) आनी दौलत (माये गे) हांकां नामांकन मेळ्ळें.
भावगीत विभागांत उत्कृश्ठ गीतरचना चेतन आचार्य (मागणें) हांकां जाल्यार साईश पायणीकार (माये गे) आनी अनंत अग्नी (लजून तामसो) हांकां नामांकन मेळ्ळें.
परिक्षक म्हूण दर्शन लोलयेंकार, स्वप्नील शेटकार आनी संग्रामसिंग गायकवाड हांणी काम पळयलें. हो पुरस्कार सुवाळो मडगांव रवीन्द्र भवनाच्या कॉन्फरन्स हॉलांत जालो.
ह्या सुवाळ्याक मुखेल सोयरे म्हूण गीत- संगीत आल्बमाचे निर्माते आदले आमदार दामोदर नायक हाजीर आशिल्ले. तशेंच मानाचे सोयरे म्हूण चित्रपट निर्माते आनी रवीन्द्र भवन मडगांवचे अध्यक्ष राजेंद्र तालक आनी उपाध्यक्ष मनोहर बोरकार तशेंच खाशेले आमंत्रीत म्हूण ज्येश्ठ तियात्रिस्ट आनी चित्रपट कलाकार सी. डी. सिल्वा हाजीर आशिल्ले. कोंकणी संगीत मळार नेमान काम केल्ले जॉन आगियार आनी शकुंतला भरणे हांचो मानेस्तां हस्तुकीं खास योगदान पुरस्कार दिवन भोवमान केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
