खोशेचें ल्हार हाडपी इस्टर

भांगरभूंय | प्रतिनिधी

तांतयां बऱ्या दिसांची आनी नव्या जिविताची सुरवात जाता, अशें तांचें मत. खरें म्हणल्यार तांतयांतल्यान नवें जिवीत जशें जल्माक येता, ते पद्दतीन लोकांक नवी सुरवात मेळटा अशें भावीक मानतात. देखून तांतयां नव्या जिविताचें आनी उमेदीचें प्रतीक मानतात.

प्रभू जेजू मोगाचो आनी शांतीचो मसिहा आशिल्लो. संवसाराक मोग आनी करुणेचो उपदेश करपी प्रभू जेजूक एका कट्टरपंथी मनशान खुरसार मारलो अशें म्हणटात. प्रभू जेजूक खुरसार मारलो तेन्ना ताचे अनुयायी निर्शेले. पूण तीन दिसांनी आयतारा तो जितो जालो. हाचे उपरांत ताच्या अनुयायां मदीं खोशयेचें ल्हार आयलें. तेन्ना सावन हो उत्सव क्रिस्तांव धर्मांत व्हड उमेदीन मनयतात.
नाताळा भायर इस्टर वा पास्कां हो क्रिस्तांव धर्माचो मुखेल उत्सव. क्रिस्तांव धर्मांतले लोक व्हडा उमेदीन इस्टर मनयतात आनी एकामेकांक परबीं भेटयतात. इस्टर आयतार लेगीत बदलाचो दीस मानतात. ह्या दिसा जेजू क्रिस्ताच्या पुनर्जिवंतपणा उपरांत ताका त्रास दिवपी आनी खुरसार मारपी लोकांनी लेगीत खूब पश्चात्ताप जालो, अशें म्हणटात.
अंदूं इस्टर आयतार 9 एप्रीलाक आयला. क्रिस्तांव धर्माच्या अनुयायां खातीर हो दीस खूब खाशेलो. ‘गुड फ्रायडे’ दिसा जेजू क्रिस्ताच्या बलिदानाची याद करतात आनी इस्टर आयतारा तांची खोस दुपेट जाता. कारण जेजू गुड फ्रायडेच्या तिसऱ्या दिसा म्हणल्यार आयतारा जिवो जालो. इस्टर आयतार जेजू क्रिस्ताच्या पुनर्जल्माची परब मनयतात. ते दीस इगर्जेंत वचून प्रभू जेजूचो उगडास करतात. ताच्या उगडासाक मेणवाती पेटयतात. बायबल वाचतात आनी प्रभू जेजू जिवो आसा म्हूण खोशयेन एकामेकांक परबीं दितात.
इस्टराच्या दिसा क्रिस्तांव लोक तांतयां सजयतात आनी एकामेकांक भेटवस्तू दितात. तांतयां बऱ्या दिसांची आनी नव्या जिविताची सुरवात जाता, अशें तांचें मत. खरें म्हणल्यार तांतयांतल्यान नवें जिवीत जशें जल्माक येता, ते पद्दतीन लोकांक नवी सुरवात मेळटा अशें भावीक मानतात. देखून तांतयां नव्या जिविताचें आनी उमेदीचें प्रतीक मानतात. इस्टरांत तांतयांचें खाशेलें म्हत्व आसा. तांतयांचें एक शुभ प्रतीक मानतात आनी खास करून इस्टराच्या दिसा तांतयांचो उपेग करतात. तशेंच तांकां रंग दिवन आनी हेर तरेन सजोवन एकामेकांक भेट म्हणून दितात. लोकांक जिवीत जगपाची नवी उमेद आनी उमेद भरपाचो संदेश दिवपी हो एक शुभ संकेत. म्हणटात की हो आनंद 40 दीस मनयतात… प्रभू जेजू परत जिवो जाले उपरांत 40 दीस आपल्या शिश्यां वांगडा धर्तरेचेर रावलो…
इस्टर आयतारा निमतान शेनवारा देशभर प्रार्थना सभा सुरू जातात, प्रभू जेजू क्रिस्ताच्या येवपाची वाट पळयतात. जेजू क्रिस्त शिश्यां खातीर परत आयलो आनी तांचे मदीं 40 दीस प्रचार केलो… इस्टराचें म्हत्व दोन तरांचें. एक, जेजून लोकांक माफ करपाक शिकयलें.. लोकांनी ताका खुरसार मारलो. पूण मरचे पयलीं ताणें सगळ्यांक माफ केलें.
इस्टर आयताराचो उगडास करूंक क्रिस्तांव भावीक जेजू क्रिस्ताचें नांव आनी ताणें दिल्ल्या संदेशाचो उगडास करून रातभर जागृत रावतात. जेजू तांकां खोशी करता आनी तांचे मदीं आशा, धैर्य जागयता. हाका लागून तांकां वेदना सोंसपाची तांक मेळटा. ह्या दिसा वेगवेगळ्या सुवातींनी इस्टराच्या निमतान जेवणाच्यो कार्यावळीय आयोजीत करतात. हो इस्टर आयतार कुंटुंबाचो, समाजाचो आनी इश्टांचो मेळ.
इस्टराच्या आदल्या सप्तकाक ‘इस्टर सप्तक’ अशें म्हणटात. ह्या वेळार क्रिस्तांव लोक मागणें करतात आनी उपास करतात. सगळ्यो इगर्जी इस्टराक खासा सजयल्ल्यो आसात. ह्या दिसा जायते क्रिस्तांव भाव मेणवाती पेटोवन घरां सजयतात. इस्टराच्या दिसा बायबलाचें खाशेलें वाचन जाता. बायबल वाचल्यार मनांत शांती मेळटा, अशें मानतात. इस्टर आयतारा निमतान सगल्याक उर्बेभरीत वातावरण पळोवंक मेळटा.

गौरी भालचंद्र
9422373926