भांगरभूंय | प्रतिनिधी
भांगरभूंय । प्रतिनिधी
वाळपयः सत्तरी तालुक्यांतल्या कोदाळ हांगा चिदंबर देवळाच्या प्राकारांत पुण्यांतले बाल कल्याण संस्थेच्या दिव्यांग भुरग्यांनी कला सादरीकरण केलें. गोंयांतली तांची ही पयलीच कार्यावळ आशिल्ली. भुरग्यांनी एकपरस एक अशी भक्तिगीतां, अभंग, मुरली वादन, तबलें वादन सादर केलें. गोंयचे भुरगीं कल्याण दिव्यांग आयुक्त गुरुप्रसाद पावसकार आनी संगीत शिक्षक दत्तात्रेय भावे हांच्या मार्गदर्शना खाला ही कार्यावळ आयोजीत केल्ली.
पुण्यांतली बाल कल्याण संस्था फाटल्या 40 वर्सां सावन दिव्यांक भुरग्यांचे जिणेक नवी दिका दिवपाचें काम करता. साकेत देवचके, देवांशू शिंगरू (मती मंद), श्रेया गाढवे, चैतन्य सिंदाळका, प्रकाश माळी, संजीव हेबाळे, आशिष झाडे, हिमेश हब्बका (दृश्टी बादीत), अनिश भावेकर, (ऑटिझम), अर्जुन मोहिते ( मायल्ड ऑटिझम) हांणी रसिकांक तल्लीन करून सोडलें.
बाल कल्याण संस्था फाटल्या चाळीस वर्सां सांवन दिव्यांक भुरग्यां खातीर सेवा भावनेन काम करीत आसा. ताकां गायन, वादन, हस्तकला, चित्रकला, तरेकवार खेळ शिकयता, फिजिओ, रेमिडियल, एँक्वा, संगीत आनी हेर उपचार पद्दती तांकां शिकोवपाचें काम करता अशी म्हायती दत्तात्रेय भावे हांणी दिली. हे संस्थेच्या मार्गदर्शना खाला 22 भुरग्यांनी आपली उदरगत केल्या अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
