भांगरभूंय | प्रतिनिधी
भांगरभूंय I खबरां मेज
पणजीः कोंकणी भास आनी संस्कृती खातीर कार्यरत आसपी एक क्रियाशील कार्यकर्ती आनी मार्गदर्शक विमला व्ही. पै काल 6 सप्टेंबराक बंगळुरूंत पिरायेच्या 91 व्या वर्सां संवसाराक अंतरली.
श्रीमती विमला पै ह्यो शिक्षिका आशिल्ल्यो. कोंकणी भाशा शिक्षणांतल्या सगल्या उपक्रमां खातीर त्यो प्रेरणास्रोत आशिल्ल्यो.
विश्व कोंकणी केंद्र आनी कोंकणी भास आनी संस्कृती प्रतिश्ठानच्या विश्वस्त मंडळान तांच्या मरणा खातीर दुख्ख उक्तायलां. कोंकणी भाशेंतलो सर्वोत्कृश्ठ साहित्या खातीर दिवपी ‘विमला व्ही. पै. विश्व कोंकणी साहित्य पुरस्कार’ तांच्या नांवान दितात. 2010 वर्सां सावन हो पुरस्कार भेटयतात. दर वर्सा हो कोंकणी साहित्य मळा वयलो व्हडलो पुरस्कार साहित्यीकांक दितात.
विमला पै ह्यो विश्व कोंकणी केंद्राच्या भोवतेक कार्यावळींचें प्रेरणास्थान आशिल्ल्यो. त्यो उद्देजक आनी इन्फोसिसाचे आदले सीएफओ टी. व्ही. मोहनदास पै हांची आई. मोहनदास पै हांणीच तांच्या नांवान हो पुरस्कार सुरू केल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
