भांगरभूंय | प्रतिनिधी
केपें, प्रतिनिधी: पेडामळ – शिरवय हांगा पार्क केल्ल्या आठ गाडयांचे हारशे फोडिल्ल्याची घडणूक घडली. हे विशीं पुलिसांनी अनवळख्या आड गुन्यांव नोंद केला.
केपें पुलिसांनी दिल्ले म्हायती प्रमाण, पेडामळ शिरवयचे लोकवस्तींत पार्क करून दवरिल्ल्या चार चाकी आठ वाहनांचे हारशे फोडले. ही घडणूक रातच्या वेळार घडली. एका घरा मुखार सीसी टीव्ही कॅमेराय आशिल्लो पूण जाणी हारशे फोडल्या तो फाटले वटेनच्यान आयिल्लो जावं येता.
हे कोणें केलां हें आजून कळूंक ना. हे घडणुकेची म्हायती मेळटांच पुलीस घडणुके सुवातेर वचून पळोवणी केली आनी पंचनामो करून अनवळखी व्यक्ती आड गुन्यांव नोंद केला. केपें निरीक्षक दिपक पेडणेंकार हाच्या मागदर्शना खाला केपें पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
