भांगरभूंय | प्रतिनिधी
फोंडें: मेस्तावाडो-कुर्टी हांगा काल (बिरेस्तारा) सकाळीं धांवते मोटारीचो धपको पार्क केल्ले मोटारीक दिले उपरांत मोटार कठड्याक वचून धडकली. हातूंत मोटार चालक किरकोळ जखमी जाला. फोंडें पुलिसांनी अपघात थळार वचून पंचनामो केलाे.
थळाव्यांनी दिल्ले म्हायती प्रमाण एमएच 05 ईव्ही 3403 क्रमांकाची मोटार रस्त्याचे कुशीक पार्क करून दवरिल्ली. सकाळीं 8.30 वरांच्या सुमाराक खांडेपार दिशेन येवपी जीए 05 डी 6596 क्रमांकाचे मोटारीचो धपको पार्क केल्ले मोटारीक बसलो. उपरांत फोंडेंचे दिशेन वचपी मोटारीचो धपको मुखार वचून रस्त्याचे कुशीक आशिल्ल्या कठड्याक बसलो. हातूंत कार चालक किरकोळ जखमी जालो.
जखमी चालकाक 108 अॅम्ब्युलन्सींतल्यान उपजिल्हो हॉस्पिटलांत उपचारा खातीर व्हेलो. पुलिसांनी दिल्ले म्हायती प्रमाण रातपाळयेचें काम करून घरा वता आसतना चालकाक न्हीद आयिल्ल्यान अपघात घडलो. फोंडें पुलिसांनी अपघाताचो पंचनामो केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
