भांगरभूंय | प्रतिनिधी
भांगरभूंय । प्रतिनिधी
बेळगांवः फाटल्या सप्तकांत एका 22 वर्सां तरणाट्याचेर येसस्वीपणान काळीज रोपण शस्त्रक्रिया केल्या उपरांत बेळगांवच्या केएलई हॉस्पिटलांत एका 52 वर्सां पिरायेच्या दादल्याचेर येसस्वीपणान मूत्रपिन्ड रोपण करून ताका नवें जीवदान दिलें. हें मूत्रपिंड धारवाडच्या एसडीएम हॉस्पिटलांतल्यान केएलईच्या युरोलॉजी पंगडान ग्रीक कॅरिडोर तयार करून हाडलें.
धारवाडच्या हॉस्पिटलांत अपघात जाल्ल्या एके 52 वर्सां पिरायेचे बायलेचेर उपचार सुरू आसतना तिका मरण आयलें. तिच्या घरच्यांनी तिचे अवयय दान करपाची करपाची तयारी दाखयले उपरांत ते काडलें. मूत्रपिन्ड केएलईच्या दोतोरांनी बेळगांवां डॉ प्रभाकर कोरे हॉस्पिटलांत हाडलें.
युरोसर्जन डॉ आर बी नार्ली, डॉ विक्रम प्रभा, डॉ रितेश वेर्णेकार हांणी ह्या मूत्रपिंडाचें रोपण 52 वर्सा पिरायेच्या दादल्याचेर करून ताचो जीव वाटायलो. हे येसस्वी शस्त्रक्रिये खातीर केएलईएसचो अध्यक्ष डॉ प्रभाकर कोरे आनी हॉस्पिटलाचो वैजकी संचालक आनी सीईओ डॉ एम व्ही जाली हांणी युरोलॉजी पंगडाक परबीं भेटयल्यांत.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
