भांगरभूंय | प्रतिनिधी
नगरपालिका नेम दुरुस्ती अध्यादेशाक मंत्रीमंडळाची मान्यताय
पणजी : नगरपालिकांंचो कार्यकाळ सोंपचें पयलीं 2 म्हयन्यांच्या काळांत वेंचणुको घेवन निकाल जाहीर करप आतां बंंधनकारक आसतलें. मंंत्रीमंंडळान नगरपालिका नेम दुरुस्तीच्या अध्यादेशाक मान्यताय दिल्या.
गोंंय मंंत्रीमंंडळाची बिरेस्तारा सांंजे बसका जाली. हे बसकेंत नगरपालिका दुरुस्ती नेम अध्यादेशाक मान्यताय दिल्या. नगरपालिका वेंचणुके विशीं म्हत्वाच्या तजविजांंचो हातूंत आस्पाव आसा. मंंत्रीमंंडळांतल्या गोपांं कडल्यान ही म्हायती मेळ्ळी.
नगरपालिकांंचो कार्यकाळ पांच वर्सांचो आसता. खूबशे खेपे कार्यकाळ सोंपलो तरी वेंचणूक जायना. हाका लागून नगरपालिकांंक मुजतवाड दिवची पडटा वा प्रशासकाची नेमणूक करची पडटा. कार्यकाळ सोंपपाच्या दोन म्हयन्यांच्या काळांत वेंचणुकेची प्रक्रिया पुराय करची पडटली. नगरपालिका वेंचणूक कार्यकाळ सोंपपाच्या दोन म्हयन्यां पयलीं घेवपाक मेळची ना. कार्यकाळ सोंपपाक दोन म्हयने आसता त्या काळांत घेवची पडटली. तशेंच कार्यकाळ सोंपचे पयलीं वेंचणूक जावन निकाल जाहीर जातलो. अशा प्रकारची दुरुस्ती अध्यादेशाच्या आदारान केल्या.
कार्यकाळ – मतदानाचो कालावधी उणो
पयलीं नगरपालिका मतदान आनी कार्यकाळ सोंपपाची तारीख हातूंत 15 दिसांंचें अंंतर आसपाची मेकळीक आशिल्ली. मतदान आनी कालावधी हातूंत आतां फक्त 3 दिसांंचे अंंतर आसपाची गरज आसा. हाका लागून कार्यकाळ सोंपचे 3 दीस पयलीं वेंचणूक जावपाक जाय.
नगरपालिका वेंचणुकेचो निकाल कार्यकाळ सोंपचे पयलीं जाहीर जावप गरजेचो आसा.
आतां फोंंडें आनी सांखळी नगरपालिकांंच्यो वेंचणुको जावपाच्यो आसात. सांखळी आनी फोंंडें नगरपालिकांंच्या वेंचणुकेची प्रक्रिया सुरू जाल्या. प्रभाग फेररचणूक तशेंच राखिवतेची अधिसुचोवणी जारी जाल्या. वेंचणुकेची कार्यावळ अजून जाहीर जावपाचो आसा.
मंंत्रीमंंडळान हेर कांय म्हत्वाचे निर्णय घेतले. भौशीक बांंदकाम खात्याचे प्रधान मुखेल अभियंंते उत्तम पार्सेकार हांंकां सेवेंत सरकारान एका वर्साची मुजतवाड दिल्या. हे मुजतवाडीच्या निर्णया उपरांंत मंंत्रीमंंडळान मान्यताय दिली.
तशेंच भलायकी खात्याच्या 13 नर्सींचे कंंत्राटी सेवेक मुजतवाड दिली. कोवीड चांंचणी खातीर भलायकी खात्यान ट्रू नॅट किटांंची खरेदी केल्ली. ट्रू नॅट किटाच्या 2 कोटी 24 लाखाच्या खर्चाक मंंत्रीमंंडळान मान्यताय दिल्या.
पर्पल महोत्सव संंवसारीक पांवड्यार
गोंयांत दिव्यांंगा खातीर जाल्ल्या पर्पल महोत्सवाची संंवसारीक पांवड्यार तोखणाय सुरू आसा. हेर राज्यांंनी लेगीत पर्पल महोत्सवाक तेंको दिला. पर्पल महोत्सवा खातीर अर्थीक मजत दिवपाची तयारी दिल्ली सरकारान दाखयल्या. फुडलो पर्पल महोत्सव संंवसारीक पांवड्यार जातलो अशें समाज कल्याण खात्याचे मंंत्री सुभाष फळदेसाय हांंणी सांंगलें. मंत्रीमंंडळ बसके उपरांंत तांंणी ही म्हायती दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
