काणकोण पालिकेचें अदमास पत्रक मंजूर

भांगरभूंय | प्रतिनिधी

काणकोणः काणकोण पालिकेचें 2024-25 वर्साचें 29 कोटी, 49 लाख 34 हजार 952 रुपयांचें शिलकी अदमास पत्रक हालींच घेतिल्ले पालिका मंडळाचे बसकेंत मंजूर केलें.

नगराध्यक्ष रमाकांत नायक गांवकार हांचे अध्यक्षते खाला ही बसका जाली. ह्या वेळार मुख्याधिकारी अश्विनी भगत, पालिका अभियंता दिलखुश गांवकार, भारती मडगांवकार, लेखापाल आनी हेर रक्कम अपेक्षीत आसा. तातूंत घरपटी आनी जमीन कर 55 लाख, सायन बोर्ड आनी जायरात तकटे 14 लाख, ऑक्ट्रॉय 1 कोटी, पालिकेचे मालमत्तेंल्यान मेळपी भाडें 55 लाख, इमारत भाडें 85 लाख, बांदकाम कर 1 कोटी 50 लाख, सोपो कर 50 लाख, दर्यादेगे वयले शॅक आनी तंबूच्या माध्यमांतल्यान 1 कोटी 50 लाख पालिकेक उत्पन्नाच्या रुपान मेळटले.

सरकाराच्या विवीध येवजण्यां वरवीं पालिकेक 1 कोटी 59 लाख इतलो निधी अपेक्षीत आसा. तातूंत विवीध उदरगतीच्या कामां खातीर 3 कोटी, मान्सूनपूर्व कामां खातीर नेमतात त्या कामगारांच्या पगारा खातीर 45 लाख, नितळ भारत मोहिमे खाला 5 लाख, वित्त आयोगा कडल्यान 4 कोटी, घनकोयर वेवस्थापना कडल्यान 20 लाख, भलायकी अनुदान 1 कोटी, कॉमन कॅडर कर्मचाऱ्यांच्या पगारा खातीर 42 लाख, तशेंच जल्म आनी मरणाची नोंदणी, नळाचें कनेक्शन, विजेचें कनेक्शन, उत्पन्नाचे दाखले, नायट सोयल टँकर भाडें, घराघरांनी वचून कोयर एकठठांय करप ह्या सारकिल्ल्या माध्यमांतल्यान 1 कोटी 84 लाख 35 हजारांची तजवीज ह्या अदमास पत्रकांत केल्या.

फुडल्या अर्थीक वर्सांत पालिकेक कायम कर्मचाऱ्यांच्या पगाराचेर 2 कोटी, कॉमन कॅडर कर्मचाऱ्यांच्या पगारा खातीर 40 लाख, हंगामी कर्मचाऱ्यां खातीर 30 लाख, दीसवड्या वयल्या कामगारांच्या पगारा खातीर 1 कोटी 50 लाख रुपया खर्च करतले. नगराध्यक्ष आनी नगरसेवकांच्या मानधना खातीर 30 लाख, गणभेस 3 लाख, बोनस 3 लाख 90 हजार, पेन्शना खातीर 1 कोटी तशेंच वैजकी भत्तो, खेळां साहित्य, नितळसाण कामगार आनी हेर मेळून 7 कोटी 66 लाख 50 हजार इतलो खर्च येतलो. ह्या वेळार उपनगराध्यक्ष नार्सिस्को फर्नांडीस, नगरसेवक गंधेश मडगांवकार, लक्ष्मण पागी, नितू देसाय, हेमंत नायक गांवकार, सायमन रिबेलो, सारा देसाय, अमिता पागी हाजीर आशिल्ली.