भांगरभूंय | प्रतिनिधी
भांगरभूंय । प्रतिनिधी
काणकोणः काणकोण तालुक्यांत सध्या डेंग्यू दुयेंस पातळपाक लागलां. पावसाच्या दिसांनी तातूंत वाड जावपाची शक्यताय आशिल्ल्यान काणकोण सामाजीक भलायकी केंद्रांन ते संबंदी लोकांक सादूर करून घरा कुशीक उदक साठोवन रावचें न्ही हे खातीर उपाय येवजण करपाक लांगलां. डेंग्यूचो प्रादुर्भाव जाल्ल्या लोकवस्तीत वखदा फवारणी करपाक सुरवात केल्या.
तालुक्यांत मे म्हयन्यांत गांवडोंगरीत डेंग्यूचे चार दुयेंती मेळिल्ले. केपें तालुक्यांतल्या मोरपिर्ला वाठारांतल्या डेग्यू गांवडोंगरी पावला असो दुबाव आसा. मे म्हयन्याचे सुटयेंत गांवडोंगरीतले कांय जाण मोरपिर्ला सोयऱ्यांगेर गेल्ले. थंय तांका डेग्यूचो संसर्ग जावपाची शक्यताय भलायकी केंद्रांतल्या दोतोरांनी उक्तायल्या. डेंग्यू जाल्ले लोक आतां बरे जाल्यात मात आमकां तालुक्यांत हे दुयेंस पातळचें न्हय हे खातीर आमी उपाय येवजण सुरू केल्या. पावसाच्या दिसांनी मलेरिया, हत्ती दुयेंस (फालेरिया) जावचें न्हय हे खातीर लोकांक फावो ती जनताय घेवपाक आमी गांवगावांनी वचून सांगतात अशें केंद्राच्या नितळसाण निरीक्षक प्रणय नायक हांणी सांगलें.
केंद्राचो वैजकी अधिकारी डॉ दिवाकर वेळीप, प्रणय नायक, गुरुदास फळदेसाय, मनोज तारी, जितेंद्र काणकोणकार, सुरेश पागी, नीलेश पागी, नीलेश कोमरपंत, विशाल आमोलकार लोकां मदीं जाग्रुताय करपाचें काम करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
