भांगरभूंय | प्रतिनिधी
भांगरभूंय । प्रतिनिधी
काणकोणः वास्को हांगा नुस्तेमारी जाळें घेवन वचपी ट्रका मनोहर पर्रीकार बायपास रस्त्यार रस्तो विभाजकांत आशिल्ल्या लायटीच्या खांब्याक धपको दिलो आनी उपरांत तो रस्त्यार लवंडून पडलो. सोमाराक ही घडणूक जाली.
कारवारच्यान जाळें घेवन जीए 06 टी 2773 ट्रक वास्को बतालो. किंदळें तारीर जंक्शना कडेन ड्रायव्हर रमेश राठोड हाचें ट्रका वयलें नियंत्रण वचून तो लवंडून पडचे पयलीं ताणे लायटीच्या खांब्याक धपको दिलो. हातूंत एक इलेक्ट्रिशीयन गंभीर जखमी जालो. खांबो धपक्यान हुमटून पडलो.
अपघात जायना फुडें लोक एकठांय जालें आनी काणकोण पुलीस घडणुकेचे सुवातेर पावले. जखमी जाल्ल्याक अॅम्बुलन्सींतल्या काणकोण सामाजीक भलायकी केंद्रात उपचारा खातीर व्हेलें. पर्रीराक बायपार रस्त्या वयलें डांबर वयर-सकल जाल्ल्यान वाहना नेटान व्हरप कुस्तार जावन अपघात जातात. हेच सुवातेर हाचे पयलीं दोन अपघात जावन लेगीत रस्तो सारको करपाचें संबंदीत खातें नांव घेना अशें थळाव्या लोकांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
