भांगरभूंय | प्रतिनिधी
भांगरभूंय I प्रतिनिधी
म्हापशेंः आगशी पुलिसांनी दाखयल्ल्या सादुरपणाक लागून ईश्वर किन्डो (20, आगशी) हो दुचाकी चोर तांच्या हाताक लागलो. ताणे कळंगूटे आनी म्हापश्यांतल्यान चोरिल्ल्यो दुचाकी पुलिसांनी जप्त केल्यात. आयतारा रातयां गस्तेर आसतना पुलिसांनी ही कारवाय केली. पुलीस अपनिरीक्षक प्रितेश मडगांवकार हांच्या फुडारपणा खाला हवालदार छतूर सावंत, पुलीस संकेश मांद्रेकार, रोहन नायक आनी धीरज साखळकार हो पंगड गस्तीचेर आसतना तांकां दुबावीत ईश्वर फिरतना दिसलो.
ताका ताब्यांत घेवन चवकशी केली तेन्ना ताणे आपूण दुचाकी चोरतां हें मानून घेतलें. ताचे कडल्यान एक केटीएम, एक ड्यूक, एक बुलेट आनी एक स्कुटर मेळोन सुमार 6 लाख रुपया मोलाच्यो चार दुचाकी पुलिसांनी जप्त केल्यो. ताणे त्यो आपल्या इश्टा कडेन दवोरिल्ल्यो.
कळंगूटे पुलीस हद्दींतल्यान तीन जाल्यार केटीएम ही दुचाकी ताणे म्हापशें पुलीस हद्दींतल्यान काणका हांगच्यान चोरिल्ली. पुलिसांनी ताका आयपीएसच्या कलम 41 खाला अटक केल्या. सोमाराक उपविभागीय दंडााधिकाऱ्या सामकार उबो करून ताका फुडले चवकशे खातीर कळंगुटे पुलिसांचे सुवादीन केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
