कला आनी संस्कृती खात्याचे युवा सृजन, कला गौरव आनी सांस्कृतीक पुरस्कार जाहीर

भांगरभूंय | प्रतिनिधी

पणजीः गोंय सरकाराच्या कला आनी संस्कृती संचालनालयान 2023-24 वर्सा खातीरचे युवा सृजन, कला गौरव आनी सांस्कृतीक पुरस्कार जाहीर केल्यात. कला आनी साहित्याच्या मळार उत्कृश्ठ योगदान दिल्ल्या युवा सृजन कलाकारांची ह्या पुरस्कारां खातीर निवड केल्या.

युवा सृजन पुरस्कार

निवेदिता उल्हास चंद्रोजी, पेडणें (नाटक), संजय वसंत कुर्टीकार, फोंडें (लोककला), दशरथ नारायण नायक, पेडणें (संगीत), अन्वेषा अरूण सिंगबाळ, फोंडें (साहित्य), अनंत श्रीधर कामत बांबोळकार, फोंडें (चित्रकला/नाटक) आनी वेलेंसी कार्मेलीन डिसोझा, बार्देस (तियात्र) हांची निवड जाल्या.

रोख 25,000 रुपया, प्रशस्तीपत्र आनी यादस्तीक अशें पुरस्काराचें स्वरूप आसा. पुरस्कार भेटवण कार्यावळीची तारीख उपरांत कळयतले.

सांस्कृतीक पुरस्कार

प्रदीप शिलकार, फोंडें, (भारतीय संगीत), श्रीधर बर्वे, बार्देस (भारतीय संगीत), शिवराय फोंडेंकार, केपें नाटक (भारतीय संगीत), नरेश कडकडे, दिवचल (नाटक), होर्टेंसियो परेरा, केपें (तियात्र), मेनिनो फर्नांडीस (मेनिनो डी बांदार), साश्ट (तियात्र), तुकाराम शेट, बार्देस (साहित्य), फा. मॅन्युएल गोम्स, साश्ट (साहित्य), शैलेशचंद्र पी. रायकार, साश्ट (साहित्य), विठ्ठल गांवस, दिवचल (साहित्य), उल्हास पाळणी, पेडणें (भजन) आनी ज्ञानेश्वर वाडजी, तिसवाडी (ललितकला) हांकां वैयक्तीक जाल्यार कला शुक्लेंदू, पणजी हे संस्थेक 2023-24 चो सर्वोत्कृश्ट सांस्कृतीक संस्था पुरस्कार फावो जाला.

वैयक्तीक गोंय राज्य सांस्कृतीक पुरस्कार 1,00,000/-( एक लाख रुपया) श्रीफळ, शाल, प्रमाणपत्र आनी नटराज प्रतिकृती आनी सर्वोत्कृश्ठ सांस्कृतीक संस्था पुरस्कार रोख रु. 3.00 लाख, प्रमाणपत्र आनी यादस्तीक स्वरूपांत भेटयतात.

कला गौरव पुरस्कार

पिरायेची 60 वर्सां पुराय केल्ल्या आनी संगीत, नृत्य, नाटक, तियात्र, लोककला, क्रिएटिव्ह फोटोग्राफी, चित्रकला, कलाकुसर, शिल्पकला, भजन, कीर्तन, साहित्य, चित्रपट ह्या मळार योगदान दिल्ल्या कालाकारांचो कला गौरव पुरस्कार भेटोवन भोवमान करतात. दरवर्सा कला आनी संस्कृती क्षेत्रांतल्या वट्ट 30 व्यक्तींची ह्या पुरस्कारा खातीर निवड करतात. पुरस्कार जैतिवंतांक शाल, श्रीफळ, प्रशस्तीपत्र आनी 25 हजार रुपयांची रोख रक्कम दिवन भोवमान करतात.

2023-24 ह्या वर्सा खातीर नाट्य क्षेत्रांतल्या विनायक मनमोहन नागवेंकार, केशव ए. नाडकर्णी, सदानंद गणेश गोवेकार, सावळाे धर्मा नायक, दत्तात्रय विनायक बर्वे, अविनाश अनंत पुरखे, सागर व्ही. एन. पनवेलकार, संदीप दत्तू नायक गांवकार आनी किशोर विठ्ठल नार्वेकार, साहित्यिक शंभूभाऊ बांदेकार, सुनील हरी पालकार आनी मेघना गजानन कुरुंदवाडकार, तियात्र झेफेरिनो डायस, आना मारिया अपोलोनिया रेबेलो ई डिक्रुझ, जोकिम जोस फर्नांडीस, रोझारियो ई. बोटेल्हो आनी जोआओ बतिस्ता लुकास डिसोझा, भजन बेतू ओमू कवळेंकार, गजानन पंढरी नायक, जयराम पांडुरंग देसाय आनी चिंतामणी अर्जुन तळवणेंकर, कीर्तन विष्णुधर्म म्हामल, भारतीय संगीत जीवन रामा नायक, पाश्चात्य संगीत आग्नेलो जुवांव फर्नांडीस, लोककला चंद्रकांत पांडुरंग जल्मी, गॅब्रिएल डायस, सुभद्रा अर्जुन गांवस आनी वसंत अंता गावडे, शिल्प प्रमिला विश्वनाथ बेतकीकार आनी चित्रकला श्रीकांत शेणवी केरकार.

कला आनी संस्कृती विभागा वतीन आयोजित विशेश सुवाळ्यांत पुरस्कार जैतिवंतांक कला गौरव पुरस्कार भेटयतले.