भांगरभूंय | प्रतिनिधी
देखावो सर्तींत कासरवर्णेचें सार्वजनीक गणेश उत्सव मंडळ, माटोळी सर्तींत प्रियोळचो दत्ता नायक पयलो
भांगरभूंय । डीआयपी
पणजीः गोंय सरकाराच्या कला आनी संस्कृती संचालनालयान अंदूं चवथी निमतान राज्य पांवड्याचेर आयोजीत केल्ले माटोळी आनी भौशीक गणेश उत्सव देखावो सजावट सर्तीचो निकाल जाहीर केला.
माटोळी सजावट सर्तींत 11 स्पर्धकांनी वांटो घेतिल्लो. हे सर्तीचें 15 हजार रुपयांचें पयलें इनाम दत्ता शंभू नायक (गावठण प्रियोळ, फोंडें), 10 हजार रुपयांचें दुसरें इनाम विशांत वसंत गावडे (केळबाय कुर्टी, फोंडें) आनी 7,500 रूपयांचें तिसरें इनाम तानाजी गावडे (तळुलें बांदोडें फोंडें) हांकां फावो जालें. उमेद वाडोवपी दरेकी पांच हजार रुपयांचें इनाम तृप्ती पालकार (बोणयेवाडो सावयवेरें फोंडें), देऊ सत्यवान शेटकार (धारबांदोडें), विठोबा वसंत गावडे (गोठण वेलींग, फोंडें), रमाकांत गांवकार (बेतोडें फोंडें) आनी लक्ष्मण गावडे (शेतावाडो वेलींग, फोंडें) हांकां फावो जालें.
हे सर्तीचे परिक्षक म्हूण राजेंद्र केरकार, गोपिनाथ गांवस, गोविंद शिरोडकार हांणी काम पळयलें.
सार्वजनीक गणेश मंडळां खातीर राज्य पांवड्याचेर आयोजीत देखावो सर्तींत 20 मंडळांनी वांटो घेतिल्लो. सर्तीचें 25 हजार रुपयांचें पयलें इनाम सार्वजनीक गणेश उत्सव मंडळ (कासरवर्णे, पेडणें), 20 हजार रुपयांचें दुसरें इनाम सार्वजनीक गणेश उत्सव मंडळ (कुसमणे केपें) आनी 15 हजार रुपयांचें तिसरें इनाम सार्वजनीक गणेश उत्सव मंडळ (चार रस्तो, काणकोण) हांकां फावो जालां. उमेद वाडोवपी दरेकी 7 हजार रुपयांचें इनाम गोंय राखीव पुलीस (आल्तीन पणजी), सार्वजनीक गणेश उत्सव मंडळ (कोरगांव पेडणें), सार्वजनीक सरस्वती उत्सव मंडळ (गौळावाडो कुंमारजुंवें), शांतादुर्गा कला संघ (नॉन-मॉन वास्को), हणजूणें पुलीस स्टेशन (हणजूणें) हांकां फावो जालां.
हे सर्तीचे परिक्षक म्हूण दीपक गाड, सिध्दार्थ गोसावी आनी शिवप्रसाद किनळेकार हांणी काम पळयलें. सर्तींच्या जैतवंतांक इनामां आनी प्रमाणपत्रां कला आनी संस्कृती संचालनालया वतीन आयोजीत करपा आशिल्ले खाशेले कार्यावळींत भेटयतले. कार्यावळीची तारीख उपरांत कळयतले, अशें संबंदितांनी कळयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
