भांगरभूंय | प्रतिनिधी
खबरां संस्था
मुंबयः दक्षीण आफ्रिके आडचे टी-20 क्रिकेट माळे खातीर तशेंच इंग्लंडा आडचे एक टेस्ट मॅची खातीर भारतीय क्रिकेट पंगडाची घोशणा केल्या. आयपीएलांत आपले स्पीडीन सगल्यांक प्रभावीत करपी उमरान मलिक आनी अर्शदीप सिंग हांका भारता खातीर खेळपाची संद दिल्या. दिनेश कार्तिक आनी हार्दिक पंड्याक हांका परत पंगडांत घेतलां. ह्या खेळगड्यांनी आयपीएलांत केल्ल्या बऱ्या प्रदर्शनाचें इनाम मेळ्ळां. टीम इंडियाचें कॅप्टनपद केएल राहुल हाचे कडेन सोपयलां.
दिनेश कार्तिक 27 फेब्रुवारी 2019 वर्सा ऑस्ट्रेलिये आड ताची निमणी टी-20 मॅच खेळल्लो. ह्या आयपीएल सिझनांत तो पॉर्मांत आयिल्ल्यान ताका भारतीय पंगडांत सुवात दिवपाक निवड समितीक ताणे फोर्सार केलें. दक्षीण फ्रिका आनी भरता मदीं पांच टी-20 मॅची जातल्यो.
रोहीत, विराट, बुमराह टॅस्ट पंगडांत
टी-20 पंगडा वांगडा बीसीसीआयन इंग्लंडा आडचे एकसुरे टॅस्ट मॅची खातीर भारतीय पंगडांत रोहीत शर्मा, विराट कोहली, ऋषभ पंत आनी जसप्रीत बुमराहाक पंगडांक घेतलां. ताकां टी-20 माळे खातीर विसोव दिला. इंग्लंडा आडची कोरोनाक लागून एक टॅस्ट जावपाची बाकी आशिल्ली. भारतीय पंगड हे टॅस्ट माळेंत 2-1 असो फुडें आसा. बरोच तेप फॉर्मांत नाशिल्ल्या चेतेश्वर पुजाराक परत पंगडांत घेतला. तो सध्या इंग्लंडात कावंटी क्रिकेट खेळता आनी परत फॉर्मांत आयला. श्रीलंके आडचे टॅस्ट माळेंत ताका भारतीय पंगडांत सुवात मेळूंक नाशिल्ली. दुखापतीक लागून अजिंक्य रहाणे पंगडांत येवपाक शकलो ना.
टी-20 पंगडः केएल राहुल (कॅप्टन), ऋतुराज गायकवाड़, ईशान किशन, दीपक हुड्डा, श्रेयस अय्यर, ऋषभ पंत, दिनेश कार्तिक, हार्दिक पंड्या, वेंकटेश अय्यर, युजवेंद्र चहल, कुलदीप यादव, अक्षर पटेल, रवी बिश्नोई, भुवनेश्वर कुमार, हर्षल पटेल, आवेश खान, अर्शदीप सिंह, उमरान मलिक.
इंग्लंडा आडची टॅस्टः रोहीत शर्मा (कॅप्टन), केएल राहुल (व्हायक कॅप्टन), शुभमन गिल, विराट कोहली, श्रेयस अय्यर, हनुमा विहारी, चेतेश्वर पुजारा, ऋषभ पंत, केएस भरत (विकेटकीपर), रवींद्र जडेजा, आर आश्वीन, शार्दुल ठाकूर, मोहम्मद शमी, जसप्रीत बुमहार, मोहम्मद सिराज, उमेश यादव, प्रसिद्ध कृष्णा
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
