भांगरभूंय | प्रतिनिधी
भांगरभूंय । प्रतिनिधी
दिवचलः दिवचल पालिका मंडळाची उपनगराध्यक्ष म्हणून हालींच वेंचून काडल्ल्या सुखदा कमलाकर तेलीक अखील भारतीय ओबीसी म्हासभेच्या गोंय फाट्या वतीन परबीं भेटयलीं. गोंय फाट्याचो अध्यक्ष शशिकांत घाडी हांणी तिका फुलांचो तुरो भेटयलो.
दिवचल पालिका मंडळाच्या हालींच जाल्ले बसकेंत तेली हिची बिनविरोध उपनगराध्यक्ष म्हणून निवड केल्ली. ह्या वेळार विरोधी गटांत बसकेचेर बहिश्कार घातल्लो. तिका परबीं भेटयतना नगरसेविका रंजना वायंगणकर, राज्य समन्वयक पंकज नमशीकार, सचीव सत्यवान हरमलकार, संतोष गांवकार, मनोजकुमार घाडी, श्रीपाद कुंभारजुवेकार, जयदीप च्यारी, समीर वायंगणकार, मोहन आमोणकार हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
