भांगरभूंय | प्रतिनिधी
इंडियन प्रिमियर लीग २०२४ (इंडियन प्रिमियर लीग) संबंदीचे पावणेची सगळेच उमळशीकेन वाट पळयताले. पूण आतां ती प्रतिक्षा सोंपल्या. बीसीसीआयन आयपीएल २०२४ पावणेची तारीख जाहीर केल्या. ती १९ डिसेंबराक जातली. आयपीएल २०२४ चे पावणेंत धा पंगड वांटो घेतले.
पावणी दुबयंत
आयपीएल एक्स (एक्स) च्या अधिकृत ट्विटर हँडलान आयपीएल २०२४ लिलावाची तारीख आनी सुवात जाहीर केल्या. आयपीएलएल २०२४ ची पावणी १९ डिसेंबर २०२३ दिसा दुबयंत जातली. आयपीएल २०२४ खातीर खेळगडे पावणे खातीर वट्ट ११६६ खेळगड्यांनी नोंदणी केल्या. तातुंत ८३० भारतीय खेळगड्यांची नोंदणी केल्या आनी ३३६ विदेशी. हांतले २१२ खेळगडे आंतरराश्ट्रीय क्रिकेट खेळ्ळ्यात. आयपीएलांतल्या सगळ्या पंगडांची सध्याची परिस्थिती मतींत घेतल्यार आनीक फकत ७० खेळगडे वेंचून काडूंक मेळटात, तातूंतले फकत ३० स्लॉट विदेशी खेळगड्यांक मेळटात.
खंयच्या पंगडा कडेन कितले पयशे आसात?
गुजरात टायटन्स (GT) – ३८.१५ कोटी
सनरायझर्स हैदराबाद (SRH) – ३४ कोटी
कोलकाता नायट रायडर्स (KKR)- ३२.७ कोटी
चेन्नय सुपर किंग्ज (CSK)- ३१.४ कोटी
पंजाब किंग्स (PBKS) – २९.१ कोटी
दिल्ली कॅपिटल्स (DK) – २८.९५ कोटी
रॉयल चॅलेंजर्स बेंगलोर (RCB) – २३.५५ कोटी
मुंबय इंडियन्स (MI)- १७.७५ कोटी
राजस्थान रॉयल्स (RR) – १४.५ कोटी
लखनव सुपर जायंट्स (LSG) – १३.१५ कोटी
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
