भांगरभूंय | प्रतिनिधी
भांगरभूंय । प्रतिनिधी
पणजीः मुख्यमंत्री डॉ प्रमोद सावंत, पुलीस म्हासंचालक हांचे बोगस व्हाट्सअॅप अकावंट तयार केल्ल्याचें सामकार आयल्या उपरांत आतां आयकराचे गोंय विभागाचो प्रधान संचालक कृष्णा मुरारी हांचो फोटो आनी नांवाचो उपेग करून बोगस व्हॉट्सअॅप अकावंट तयार केल्ल्याचें उक्तें जालां. हे विशीं पुलिसांच्या शायबर गुन्यांव फाट्यान अनवळखी व्यक्ती आड गुन्यांव नोंद केला.
आयकर विभागाचो उपसंचालक त्वरा मिश्रा हांणी सायबर फाट्यांत कागाळ केल्या. ह्या बोगस व्हॉट्सअॅप अकावंटान 20 जूनाक अधिकाऱ्यां कडेन संपर्क सादून ताकां अॅमेझॉन गिफ्ट कार्ड विकतें घेवन धाडपाचो संदेश धाडिल्लो. साबयर विभागाचो सहाय्यक अधिक्षक शिवेंदु भूषण हांच्या मार्गदर्शना खाला निरीक्षक राहुल पबर चवकशी करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
