भांगरभूंय | प्रतिनिधी
दिवचल: आमोणें ते माशेल ह्या रस्त्याचे कुशीक शेतांत मंगळारा रातीं रेडी मिक्स सिमेंटाचो मिक्सर ट्रक पडिल्ल्यान चालक किरकोळ जखमी जालो. जाल्यार अपघाता वेळार ट्रकांत आनीक कोणूच नाशिल्लो.
मेळिल्ले म्हायती प्रमाण मंगळारा हो ट्रक नाव्हेली हांगासरले एके सिमेंट फॅक्ट्रींतल्यान मोपा वचपा खातीर वतालो. आमोणें ते माशेल पुलाचे आलतडी ह्या ट्रकाच्या चालकाचो वाहना वयलो ताबो सुटिल्ल्यान तो सरळ रस्त्याचे कुशीक शेतांत कोसळ्ळो.
ही घडणूक घडटकूच थळावे लोक एकठांय जाले आनी ट्रकाच्या चालकाक कॅबिनांतल्यान भायर येवपाक मजत केली. उपरांत ताका राखडोच सांखळेच्या सरकारी समाजीक भलायकी केंद्रांत दाखल केलो. थंय ताचेर उपचार केले उपरांत ताका घरा धाडलो. ताका किरकोळ जखम जाल्ल्याचें सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
