भांगरभूंय | प्रतिनिधी
भांगरभूंय । प्रतिनिधी
काणकोणः खेळ आनी युवा वेव्हार खात्यान घेतिल्लो काणकोण पांवड्या वयले अंडर-14 योगा सर्तींत आमोणे- पैंगीण हागच्या बलराम निवासी विद्यालयाच्या पंगडांनी वस्तादपण मेळयलें.
श्रीस्थळ पंचायत सभाघऱांत ही सर्त जाली. विद्यार्थ्यांच्या पंगडांत अनय देयकार, यश गांवकार, विनोद वेळीप, सोमनाथ देयकार, प्रतीक गांवकार जाल्यार विद्यार्थिनींच्या पंगडात योगीता गांवकार, अंबानी गांवकार, साईशा वेळपी, पवित्रा पाटील, क्रांती वेळीप हांचो आसपाव आशिल्लो.
वैयक्तीक गटांत योगिता गांवकार, अनय देयकार हाणी पयलें जाल्यार अंबानी गांवकाराक दुसरे इनाम फावो जाले. अंडर-17 सर्तींत अनुष्का नायक, अंजली वेळीप हांका पयलीं जाल्यार सुशांत वेळीप हाका तिसरें इनाम फावो जाले. पीटी शिक्षिका केसर गांवकार, सुनील गांवकार हांणी ह्या पंगडांक प्रशिक्षीत केलें. मुख्याध्यापिका सविता तवडकार आनी शिक्षकांनी पंगडाक परबीं भेटयल्यांत.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
