भांगरभूंय | प्रतिनिधी
दक्षीण आफ्रिकेच्या क्रिकेट पंगडाचो विकेटकीपर बॅट्समन हेनरीक क्लासेनान टॅस्ट क्रिकेटींतल्यान निवृत्ती घेतली. ताणें ऑक्टोबर 2019त भारता आड रांचींत जाल्ले टॅस्टी वरवीं पदार्पण केल्लें. वट्ट चार वर्सांनी ताणें ह्या फॉर्मेटांतल्यान निवृत्ती घेतली. ताच्या ह्या निर्णयाक लागून दक्षीण आफ्रिकेच्या पंगडाक खर धपको बसला.
अंदूं दक्षीण आफ्रिकेचो पंगड वॅस्ट इंडीज आनी बांगलादेश ह्या पंगडां आड टॅस्ट माळो खेळपाचो आसा. ह्या माळां खातीर क्लासेनूच निवड समितीची पयली पसंती आशिल्ली. पूण, क्लासेनाच्या ह्या निर्णयाक लागून दक्षीण आफ्रिकेच्या पंगडाक खर धपको बसला.
32 वर्सां पिरायेच्या क्लासेनान आफ्रिके वतीन चार टॅस्टी खेळ्ळ्यात. ताणें आपली निमाणी टॅस्ट पोरूं मार्चांत वॅस्ट इंडिजा आड खेळिल्ली. ताची टॅस्ट कारकिर्दी व्हड नाशिल्ली. पूण, मर्यादीत ओव्हरींचे क्रिकेटींत तो चड खेळ्ळा. तो 54 वन डे आनी 43 टी-20 मॅची खेळ्ळा. वन डे क्रिकेटींत 40.07चे सरासरीन 1723 धांवड्यो केल्यात, हातूंत चार शेंकड्यांचो आनी स अर्द शेंकड्यांचो आस्पाव आसा. जाल्यार 39 टी-20 मॅचींनी खेळटना 722 धांवड्यो केल्यात. ह्या फॉर्मेटांत ताणें चार अर्द शेंकडे मारल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
