भांगरभूंय | प्रतिनिधी
भांगरभूंय । प्रतिनिधी
साखळीः अखील भारतीय विद्यार्थी परिशदे वतीन (अभाविप) साखळेच्या सरकारी म्हाविद्यालयांत फाटल्या शुक्राराक राष्ट्रीय दीपोत्सव मनयलो. ह्या वेळार मुखेल सोयरे म्हणून अॅड विठ्ठल नायक आनी शिक्षिका सुलक्षणा सावंत हाजीर आशिल्ली.
विद्यार्थ्यांनी सगल्यांनी मेळून रांगोळी काडली आनी दिव्यांची सजावट करून म्हाविद्यालय वाठारांत रोशणाई केली. ह्या वेळार अभाविपचे दिवचल तालुका मुखेली आकाश नायकान विद्यार्थी परिशदेच्या वावराचो नियाळ घेतलो. आमी दिव्या प्रमाण हेरांक उजवाड दाखोवपाक जाय. भारताच्या स्वातंत्र्याच्या सुवर्ण महोत्सवा वेळार तरणाटे पिळगेचो वांटो म्हत्वाचो आसतलो. तरणाट्यांनी फुडरांतलो भारत कसो आसतलो हाचो आतां सावन विचार करपाक जाय अशें विठ्ठल नायक हांणी सांगलें.
विद्यार्थी परिशदेचो वावर राष्ट्रहिता खातीर वखतात. परिशदेच्या संपर्कांत येवन देश हिताच्या विशयांचेर चर्चा करपाक जाय, अशें सुलक्षणा सावंत हिणे सांगलें. कार्यावळीचें सूत्रसंचालन सन्मयी गांवस हिणे केलें जाल्या अभाविपचे साखळे म्हाविद्यालयीन फाट्याचो अध्यक्ष माधव देसाय हांणी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
