भांगरभूंय | प्रतिनिधी
भांगरभूंय । खेळां मेज
पणजीः अजिंक्य चॅस अकादमीन फोंडें तालुको बुद्दिबळ असोसिएशनाच्या पालवान आयोजीत केल्ले अखील गोंय बुद्दिबळ सर्तींत अविनाश बोरकारान पांचांतले पांच गुण मेळोवन ज्युनियर गटांत पयली सुवात मेळयली. सिनियर गटांत सत्वीक केरकारा पांच गुण मेळोवन पयली सुवात मेळयली. ज्युनियर गटांत चार गुण मेळोवन विधी केरकारान दुसरी, चेतन कुर्टीकारान तिसरी, शुभव गावडेन चवथी, दिवेश प्रियोळकारान पांचवी आनी प्रीतेश गावडेन सव्वी सुवात मेळयली.
सिनियर गटांत सोपान देसायान दुसरो, रोहील गावडेन तिसरो, वज्रेश नाटेकारान चवथो आनी मयांक गावडेन पांचवो नंबर मेळयलो. जनशक्ती वॅल्फेर असोसिएनशाचे रॅपीड बुद्दिबळ सर्तींत मनोहर गावडे (पयलो), विशांत कुट्टीकार ( दुसरो), नरसिंह कुट्टीकार (तिसरो) आनी रवींद्र कुट्टीकार ( चवथो) हांका ह्या वेळार इनामां भेटयलीं.
कुर्टी हांगच्या श्री कृष्ण देवळांत ही सर्त जाली. सर्तींच्या सांघिक सर्तींत 18 पंडग वांटेकार जाल्ले. तातूंत अविनाश बोरकार चिन्मय गावडे, साईराज गावडे आनी रोशनी केरकार हांच्या पंगडान पयली सुवात मेळयली. हर्ष कुट्टीकार, रोहील गावड, सुयश नायक, श्रेयश गावडे हांच्या पंडान दुसरी आनी लिजंड बॉयज पंगडान तिसरी सुवात मेळयली.
व्हीपीके बॅन्केच्या मडगांव फांट्याचे मुखेली कृष्णा अंता गावडे इनाम भेटवण कार्यावळीक मुखेल सोयरे म्हणून हाजीर आशिल्ले. फोंडें तालुको बुद्दिबळ असोसिएशनाचो अध्यक्ष सागर साकोर्डेकार मानाचे सोयरे आशिल्ले. फोंडे तालुको बुद्दिबळ असोसिएशनाच्या कार्यकारी समितीचो वांगडी आनंद कुट्टीकार हाणी ही सर्त आयोजीत करपाक फुडाकार घेतिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.