भांगरभूंय | प्रतिनिधी
भांगरभूंय । प्रतिनिधी
माशेलः बांबोळेच्या अॅथलेटिक्स स्टेडियमांत फुटबॉल कोचींग सेंटर आनी मम्मी गोंय हेल्पिंग हॅन्ड हांच्या जोड पालवान आयोजीत केल्ल्या अखील भारतीय अकॅडेमीक अंडर -19 फुटबॉल सर्तींत सीएफीएपसीसी गोंय आनी अंडर- 17 सर्तींत एफजीसी केरळात वस्तादपण मेळयलें.
इनाम भेटवण कार्यावळीक मुखेल सोयरे म्हणून साळगांवचो आमदार केदार नायक आनी सान्ताक्रुजाचो आमदार रुदोल्फ फर्नांडीस हाजीर आशिल्ले. दीपक केरकार, लक्ष्मी परब, सीएपीएफसीसीचो राष्ट्रीय अध्यक्ष तुषार हाचें हाजेरींत ही कार्यावळ जाली. नव्या खेळगड्यांक माची मेळोवन दिवपाचें काम अश्या सर्तीनी जाता. खेळांत भुरगीं आपलें करीअर घडोवपाक शकतात अशें केदार नायक हाणे ह्या वेळार सांगलें.
पंतप्रधान नरेंद्र मोदी आनी आमचे मुख्यमंत्री डॉ प्रमोद सावंत खेळगड्यांक उर्बां दिवपा खातीर जाय तें करतात. आपली आवय आनी आदली मंत्री व्हिक्टोरिया फर्नांडीस हिणे लेगीत खेळगड्यांच्या बऱ्या खातीर योगदान दिल्लें. फुडाराक तिची याद म्हणून राष्ट्रीय पावंड्यार सर्त आयोजीत करपाचो विचार आसा अशें रुदोल्ड फर्नांडीस हाणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
