भांगरभूंय | प्रतिनिधी
मुख्यमंत्री : अखंड भारत निर्मिती वटेन वाटचालीची गरज
भांगरभूंय । प्रतिनिधी
दिवचल : शामाप्रसाद मुखर्जी हांणी देशाच्या हिता खातीर खूब बरें काम केलां. भारतीय जनता पक्षाचो आदर्श पुरूश म्हूण तांचे कडेन पळयतात. तशेंच आमचें प्रधानमंत्री नरेंद्र मोदी हें आपल्या सपनांतलो भारत साकारतना दिसतात. काश्मीर प्रस्न आमच्या सरकारान विवीध अडचणींक फुडो करून सोडयला. आयज थंय सुखाचे दीस आमकां पळोवपाक मेळटात. अखंड भारत निर्मिती कडेन आमी वाटचाल करपाची गरज आसा. सदांच देश, राज्य, गांवा खातीर बरो वावर करात, अशें मुख्यमंत्री डॉ. प्रमोद सावंत हांणी सांगलें.
साखळी भाजप वतीन शामाप्रसाद मुखर्जी जयंती कार्यावळ आयतारा सांखळेच्या रवीन्द्र भवनांत मनयली. ह्या वेळार मुख्यमंत्री मुखेल सोयरे म्हूण उलयताले.
भारतीय जनता पक्षाच्या युवा मोर्चान हे कार्यावळीचें आयोजन केल्लें. शामा प्रसाद जयंती निमतान तांच्या फोटवाक फुलांचो हार घालून कार्यावळीक सुरवात केली. ह्या वेळार भाजप फुडारी शुभदा सावयकार, सांखळी मंडळ अध्यक्ष रामा नायक, उपाध्यक्ष मनोहर वळवयकार, सांखळेचे उपनगराध्यक्ष आनंद काणेकार, नगरसेवक दयानंद बोर्येकार, कुडणेंचं सरपंच बाबला मळीक हाजीर आसिल्ले. रामा नायक हांणी येवकार दिलो आनी कार्यावळी विशीं सविस्तर म्हायती दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
