भांगरभूंय | प्रतिनिधी
भरमौर: हिमाचल प्रदेशच्या चंबा-नूरपूर राष्ट्रीय महामार्गार आयज (सोमार) सकाळीं जाल्ल्या रस्तो अपघातांत गुजरातच्या स जाणांक मरण आयलें. हातूंत चार जाण गंभीर जखमी जाल्यात. जखमींक टाडा मेडिकल कॉलेज, कांगडा हांगा व्हेल्यात. पुलिसांनी गुन्यांव दाखल करून फुडली कारवाय केल्या.
पुलिसांचे म्हायती प्रमाण, अपघात जाल्ली इनोवा क्रिस्टा गाडयेंत गुजरातचे पर्यटक आशिल्ले. हे लोक मनालीच्यान डलहौसीला भोंवपाक वताले. अपघाताच्या वेळार ह्या वाठारांत घोग्यांनी पावस झडटालो. गाडयेंत चालका सयत १० लोक आशिल्ले.
चंबाचे एसपी विजय कुमार सकलानी हांणी सांगलें, अपघातांत स लोकांक जाग्यारूच मरण आयलें. जाल्यार चार जाणांचे तकलेक मार लागला. पुलिसांनी सगल्यो कुडी देंगणांतल्यान भायर काडून पोस्टमार्टमा खातीर धाडल्यात.
ह्या अपघातांत ललितभाई पतनानी, ममताबेन ललितभाई पतनानी, काजल भोपानी, दियांश भोपानी, प्रियंक कन्हैयालाल भोपानी, जसवंत कुमार हांकां मरण आयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
