भांगरभूंय | प्रतिनिधी
भांगरभूंय । प्रतिनिधी
काणकोणः आमोणे-पैंगीण हांगच्या बलराम निवासी विद्यालयांत विज्ञान दीस मनयलो. मुखेल सोयरी म्हणून डॉ पुष्पा अय्या हाजीर आशिल्ली. विज्ञानाच्या वापराक लागून मनश्यांचो वेळ आनी श्रम वाटावतात. विज्ञान सध्या जिणेचो म्हत्वाचो घटक जाला. विज्ञानीक मळार करिअरचे नदरेन बऱ्योच संद आसात. ते दिकेन विद्यार्थ्यांनी वाटचाल करपाक जाय अशें पैंगीणची सरपंच आनी मुख्याध्यापिका सविता तवडकार हिणे सांगलें.
विज्ञान कार्यावळीक वंदना गांवकारस, सेल्जा गोन्साल्वीस हाजीर आशिल्ली. डॉ पुष्पा अय्या हिणे निरोगी भलयाके संबदीं मार्गदर्शन केलें. सुरवेक सोयऱ्यांनी शास्त्रज्ञ सी व्ही रमण हांच्या फोट्याक हार घालून दिवली पेटोवम कार्यावळीचें उक्तावण केले. विद्यार्थ्यांनी तयार केल्ल्या वण्टीपत्रकाचेक डॉ अय्या हिणे अनावरण केलें. विद्यार्थ्यांनी तयार केल्ल्या विज्ञान प्रकल्पाचें प्रदर्शन जालें. सोयऱ्यांनी तांची तोखणाय केली.
विज्ञान दिसा निमतान विद्यार्थ्यांंखातीर प्रस्नमंजुशा, रांगोळी सर्त घेतिल्ली. शिक्षक दामोदर वेळीप हाणे सोयऱ्यांची वळख करून दिली. विद्यार्थिनी प्राजक्ता काळे हिणे सूत्रसंचालन केलें. शिक्षक मधुकर वेळीप हाणे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
