भांगरभूंय | प्रतिनिधी
भांगरभूंय । प्रतिनिधी
सावयवेरेंः कवळें शाळा समुहाचे वर्सुकी स्नेह संमेलन आनी इनाम भेटवण कार्यावळ ढवळेच्या श्री भगवती देवस्थान आवाठांत उमेदीन जाली. वीज मंत्री सुदिन ढवळीराक मुखेल सोयरे म्हणून हाजीर आशिल्ले. खासा आमंत्रीत म्हणून कवळेची सरपंच मनुजा नायक, उपसरपंच सुशांत कपिलेश्वरकार, आदलो सरपंच राजेश कवळेकार, जयवंत आडपयकार, पंच वांगडी सुमित्रा नायक, कपिलेश्वरी देवस्थानाचो उपाध्यक्ष प्रदीप बखले, मुख्याध्यापक विवेक पेंडसे, सुदेश पारोडकार, माधवी नायक आनी समूहाचो गट मुखेली गीतेश वेरेकार हाजीर आशिल्ले.
शिक्षण पद्दतींत नेटान बदल जायत आसात. ते स्विकारून सगल्या शिक्षकांनी नव्या शिक्षणीक धोरणा प्रमाण शिकोवपाची तयारी करपाक जाय. शिक्षण पद्दत जरी बदलली तरी विचार एकूच आशिल्ल्यान बरे विचार आत्मसात करपा खातीर विद्यार्थ्यांनी अवांतर वाचन करपाक जाय अशें सुदिन ढवळीकार हाणे सांगलें. मनुजा नायकान पालकांनी आपल्या भुरग्यांक मायभाशेंतल्यान शिक्षण दिवपाक जाय अशें सांगलें.
सुरवेक एसएस समिती कवळेच्या विद्यार्थ्यांनी येवकार गीत सादर केलें. गीतेश वेरेकारान प्रास्तावीक करून येवकार दिलो. तृप्ती नायकान सोयऱ्यांची वळख करून दिली. गंधाली नागेशकार, मनुजा नायक, शुक्ला नायक जैतिवंताची वळेरी वाचून दाखयली. सूत्रनिवेदन प्राची मराठेन केलें आनी मीरा नायकान उपकार मानले. कुर्पास, गाळाशिरे, एस. एस. समिती कवळे, श्री सरस्वती विद्यालय कवळे, . कपिलेश्वरी आनी एस.एस.समिती ढवळी ह्या शाळांतल्या विद्यार्थ्यांनी सांस्कृतीक कार्यावळी सादर केल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
