भांगरभूंय | प्रतिनिधी
भांगरभूंय । प्रतिनिधी
पणजीः कवळेच्या शांतादुर्गा संस्थानाचो वर्सुकी पुनः प्रतिश्ठापनेचो वर्धापन दीस आनी नवी पिंडिका प्रतिश्ठापनचो वर्धापन दीस सुवाळो 14 तें 19 मार्च मजगतीं धर्मीक आनी सांस्कृतीक कार्यावळींनी जातलो.अदूं कांय विशेश धर्मीक कार्यावळी जातल्यो. तातूंत शतचंडी, महारूद्र स्वाहाकार, दुर्गा नमस्कार, शतकलशार्चन अभिशेक, लक्षकुंकुमार्चन, अष्टावधान सेवा आनी वाहनां वयल्यान देवीची मिरवणूक हांचो आसपाव आसा. सदांच सांजवेळा ‘दासबोध’ ह्या ग्रंथाचेर प्रवचन आसतलें तशेंच निमाण्या दिसा संगिताची कार्यावळ आयोजीत केल्या.
14 मार्चाक सकाळीं धर्मीक विधी आनी रातीं 10 वरांचेर पालखी मिरवणूक जातली. 15 मार्चाक सकाळी धर्मीक विधी आनी रातयां 9 वरांचेर शींव वाहनांतल्यान देवीची मिरवणूक काडटले. 16 मार्चाक रातीं 9 वरांचेर लालखी उत्सव, 17 मार्चाक रातीं 9 वरांचेर मयूर वाहनांतल्यान मिरवणूक जातली. 18 मार्चाक रातीं 9 वरांचेर हंस वाहनांतल्यान मिरवणूक जातली. 18 मार्चाक रातीं 9 वरांचेर हंस वाहनांतल्यान मिरवणूक काडटले .19 मार्चाक रातीं 9 वरांचेर विजयरथ आसतोलो.
ह्या उत्सवा निमतान 14 ते 18 मार्च मेरेन सांजवेळा 6 ते रातीं 8 वरां मेरेन ‘दासबोध’ ह्या विशयाचेर प्रा. रमेश सप्रे हांचीं प्रवचनां आसतलीं. मंगळारा, 19 मार्चाक सांजवेळा 6 ते रातीं 9 वरां मेरेन ‘अवघा रंग एकची झाला’ ही नाट्यरंग, भक्तिरंग, अभंगरंग अशी त्रिवेणी संगीतोत्सवाची कार्यावळ जातली. हे कार्यावळीक गायक विश्वजीत बोरवणकर, शरयू दाते आनी सुश्मिता ढवाळकर हीं गितां गायतलीं. तांकां संकेत खलप तबल्याचेर, दत्तराज सुर्लकार आॅर्गनाचेर, दत्तराज म्हाळशी संवादिनीचेर, पवन वळवेकर पखवाजाचेर आनी राहुल खांडोळकार मंजिरीचेर साथसंगत करतले. सिद्धी उपाध्ये ही सुत्रनिवेदनाची बाजू सांबाळटली.
भाविकांनी आनी संगीतरसिकांनी ह्या उत्सवाक व्हडा संख्येन येवन उत्सवाची आनी संगीत कार्यावळीची सोबाय वाडोवची अशें आवाहन कवळेंच्या श्रीशांतादुर्गा देवस्थानाचे श्रीसंस्थान कमिटीन केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
