भांगरभूंय | प्रतिनिधी
10 मदले 7 खासदार वतले भाजपांत
खबरां संस्था
नवी दिल्ली : आम आदमी पक्षाच्या 10 राज्यसभा खासदारां मदले सात जाण भाजपांत प्रवेश घेतले. पंजाबाचे राज्यसभा खासदार राघव चड्ढा हांणी शुक्रारा दनपारां 4 वरांचेर एके पत्रकार परिशदेंत ही घोशणा केली. राज्यसभा खासदार संदीप पाठक, अशोक कुमार मित्तल, हरभजन सिंग, विक्रमजीत सिंग साहनी, स्वाती मालीवाल आनी संजीव अरोरा आमचे वांगडा आसात, अशेंय तांणी सांगलें.
पत्रकार परिशदेक संदीप पाठक आनी अशोक मित्तल लेगीत हाजीर आशिल्ले. 10 दिसां आदीं म्हणल्यार (15 एप्रीलाक) ईडीन मित्तल हांच्या घराचेर धाड घातिल्ली.
राघव चड्ढा हांणी सांगलें, पक्षाच्या दोन- तृतियांश खासदारांनी हो निर्णय घेतला. ताका लागून पक्षांतरबंदी कायदो लागू करपांत कसलोच अर्थ ना.
राघव चड्ढा हांणी सांगलें, फाटल्या कांय वर्सां सावन आपल्याक अशें दिसतालें, आपूण योग्य व्यक्ती आसून लेगीत चुकीच्या पक्षांत आसा. आमी संविधानांतल्या तजविजींचो वापर करून भाजपांत वचपाचो निर्णय घेतला.
ज्या आम आदमी पक्षाक हांवें म्हज्या रगता- घामान वाडयलो आनी म्हज्या जुवानपणाची 15 वर्सां समर्पीत केलीं, तो पक्ष आतां आपली तत्वां, मुल्यां आनी मूळ नैतिकते पसून पयस गेला. हो पक्ष आतां देशाच्या सर्वोत्तम हिता खातीर न्हय, जाल्यार फकत स्वताच्या वैयक्तीक सुवार्था खातीर काम करता.
राघव चड्ढा, खासदार, राज्यसभा
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
