भांगरभूंय | प्रतिनिधी
मडगांव : वास्को, सांकवाळ, कांसावले ह्या विभागा मजगतीं लायन ब्लॉक आनी पॉवर ब्लॉकाचें काम करपाचें आसा. हाका लागून दक्षीण पश्चीम रेल्वे वतीन 16 ऑक्टोबर ते 15 नोव्हेंबर अशे 31 दिवसांच्या काळांत वास्को-कुळें-वास्को ही डेमो रेल्वे रद्द केल्या.
दक्षीण पश्चीम रेल्वेन अधिसुचीत केल्ले प्रमाण 16 ऑक्टोबर ते 15 नोव्हेंबर ह्या 31 दिसांच्या काळांत वास्को द गामा- सांकवाळे- कांसावले विभागा मजगतीं लायन ब्लॉक आनी पॉवर ब्लॉक आनी 28 ऑक्टोबर ते 19 डिसेंबर ह्या काळांत म्हैसूर विभागांतलें म्हैसूर जंक्शन- नागनहल्ली विभागा मजगतीं लायन ब्लॉक आनी पॉवर ब्लॉकाचें काम करतले. ह्या कामां खातीर रेल्वे क्रमांक 56964 ही वास्को ते कुळे डेमू आनी रेल्वे क्रमांक 56963 कुळें ते वास्को द गामा डेमू प्रवास हो पुरायेन रद्द केला. जाल्यार रेल्वे क्रमांक 16586 मुर्डेश्वर ते सर विश्वेश्वरय्या टर्मिनल बंगळुरु एक्स्प्रेसीचो प्रवास 28, 30 ऑक्टोबर आनी 18, 20, 25, 27 नोव्हेंबर, 16, 18 डिसेंबर ह्या दिसा सुरू उरतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
