भांगरभूंय | प्रतिनिधी
भांगरभूंय । प्रतिनिधी
मुरगांवः श्री दामोदर संगीत संस्था, मुरगांव आनी कला आनी संस्कृती खात्याच्या जोड पालवान 24वो श्री दामोदर संगीत महोत्सव आयतार 21 ऑगस्टाक सकाळीं 10 तें रातीं 8 मेरेन बायणा- वास्को हांगच्या रवींद्र भवनांत आयोजीत केला.
मुरगांव मतदारसंघाचो आमदार संकल्प आमोणकार हांचे हस्तुकीं सकाळीं 19 वराचंर ताचें उक्तावण जातलें. लवू नायक हांच्या शास्त्रीय गायनात महोत्सवांतल्या पयल्या सत्राक सुरवात जातली. सकाळीं 11.30 वरांचेर श्रीमंत वेडेकार हांचे तबला सोलो बादन जातलें. दुसऱ्या सत्राक दनपारां 3 वरांचेर सुरवात जातली. तातूंत किरण रायकार हांचे गायन आनी उपरांत डॉ सुधांशू कुलकर्णी हाचे हार्मोनिअम वादन जातले.
सांजे 5.30 वरांचेर जावपी भोवमान कार्यावळीक कला आनी संस्कृती मंत्री गोविंद गावडे मुखेल सोयरे म्हणून हाजीर रावतले. वास्कोचो आमदार कृष्णा साळकार, रवींद्र भवनाचो अध्यक्ष जयंत जाधव विशेश सोयरे म्हणून हाजीर रावतले. ह्या वेळार भजनी कलाकार कमलाकांत मांजरेकार, श्रीहरी गावडे हांचो भोवमान करतले. उपरांत रमाकांत गायकवाड (मुंबय) हांच्या शास्त्रीय गायनात महोत्सवाचो समारोप जातलो.
महोत्सवात वांटेकार जावपी कलाकारांक दत्तराज म्हाळशी, शेखर नागड (संवादिनी), मयांक बेडेकार, जयेश हळदणकार, अमेय पटवर्थन, सूर्या शेट्ये, रोहीत बांदोडकार (तबलें) साथ संगत करतले. सूत्रनिवेदन गिरीश कोळमकार करतले. कोवीड म्हामारीक लागून फाटलीं दोन वर्सां हो संगीत महोत्सव जावपाक शकलो ना. महोत्सवाच्या आयोजना खातीर मोहन डिचोलकार हाच्या येजनानके खाला श्रीकांत धारगळकार, सूर्या शेट्ये, बलराम बांदेकार, अशोक मांजरेकार, आनंद हळदणकार, विनोद आर्लेकार, दिलीप काजळे, जयेश हळदणकार आनी रोहीत बांदोडकार हांची समिती स्थापन केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
