न्युझिलॅण्डाक 53 धांवड्यांनी जैत

न्युझिलॅण्डाक 53 धांवड्यांनी जैत

खबरां संस्था

क्रायस्टचर्चः

न्युझिलॅण्डाचे भोंवडेर गेल्ल्या ऑस्ट्रेलियेक पयलेच मॅचींत हार घेवची पडली. येजमान पंगडान ताका पयले टी-20 मॅचींत 53 धांवड्यांनी हारयलो. किवी बॅट्समन डेवोन कॉनवे हाणें 59 बॉलांनी नाबाद 99 धांवड्यांची खेळी केली. चार दिसां आदीं जाल्ले इंडियन प्रिमियर लिगेचे पावणेंत ताका खंयचेच फ्रॅंचायजीन विकतो घेवंक नाशिल्लो. ताणें 10 चवके आनी 3 सके मारले.

किवीन दिल्ले 185 धांवड्यांचो फाटलाव करतना ऑस्ट्रेलियेक फक्त 131 धांवड्यां मेरेन मजल मारप शक्य जालें.

अश्टतासांचो खेळगडो ग्लॅन मॅक्सवॅलाक फक्त एक धांवडी करप शक्य जालें. रॉयल चॅलेंजर्स बंगळुरून ताका 14.25 कोटींक विकतो घेतला.

ह्या जैता सयत न्युझिलॅण्डान 5 मॅचींचे टी-20 माळेंत 1-0 अशी आघाडी घेतली. फुडली मॅच 25 फेब्रुवारीक जातली.