काँग्रेस विलिनीकरणाच्या अर्जाची म्हायती ना:भारतीय वेंचणूक अायोग

काँग्रेस विलिनीकरणाच्या अर्जाची म्हायती ना:भारतीय वेंचणूक अायोग


पणजी : काँग्रेस पक्षाचो गोंय विधानसभेंतलो विधीमंडळ गट भाजपांत विलीत करपा विशीं कसलोच अर्ज सादर जावंक नाशिल्ल्याची म्हायती भारतीय वेंचणूक अायोगान जुलय 2020त स्पश्ट केल्ले. काँग्रेस प्रदेशाध्यक्ष गिरीश चोडणकार हांणी म्हायती हक्का कायद्या खाला विचारिल्ल्या प्रस्नाच्या जापेंतल्यान ही म्हायती दिल्या. ते खातीर आमदार क्लाफासियो डायस आनी विल्फ्रेड डिसा हांणी सर्वोच्च न्यायालयांत केल्ल्या दाव्या विशीं प्र्रस्नचिन्न उबे जालां.
काँग्रेसच्या गोंयांतल्या विधीमंडळ गटाचे भाजपांत विलिनीकरण करपा विशीं भारतीय वेंचणूक आयोगा कडेन प्रस्ताव सादर जाला वा आयोगान तशा अर्जाक मंजुरी दिल्या ह्या प्रस्नाची म्हायती चोडणकार हांणी जुलय 2020त म्हायती हक्का कायद्या खाला माग​यिल्ली. ताचेर दोनूय प्रस्ना संबंदीची म्हायती आयोगा कडेन नाशिल्ल्याची जाप दिल्या. चोडणकार हांणी मागयिल्ले प्रमाण देशांतल्या नोंदणीकृत राजकी पक्षांची वळेरीय सादर केल्या.