नॅदरलॅण्डाच्या विद्यापिठाचें दामोदर मावजो हांकां व्याख्यान दिवपाक आपोवणें

नॅदरलॅण्डाच्या विद्यापिठाचें दामोदर मावजो हांकां व्याख्यान दिवपाक आपोवणें


भांगरभूंय। खबरा मेज
पणजीः गोंयचे प्रसिद्ध साहित्यीक तशेंच साहित्य अकादमी पुरस्कार जैतवंत दामोदर मावजो हांकां ‘साहित्य निर्मितींत अभिव्यक्ती स्वातंत्र्याचें म्हत्व‘ ह्या विशयाचेर व्हच्युअल पद्दतीन मार्गदर्शन करपाक नॅदरलॅण्डांतल्या ग्रोनिंजेन विद्यापिठा वतीन आमंत्रीत केल्यात.
सोमारा (ता. 15 फेब्रुवारी) भारताच्या वेळा प्रमाण रातच्या 11.30 वरांचेर ‘सांबा लायव्ह’ ह्या प्लॅटफॉर्माचेर व्याख्यान जातलें.
ग्रोनिंजेन हें नॅदरलॅण्डांतलें सगल्यांत पोरणें दुसर्‍या क्रमांकाचें विद्यापीठ आसा. ताची स्थापणूक 1664त जाल्ली. ह्या विद्यापिठांत विद्यार्थ्यां खातीर विवीध सत्रां आयोजीत करतात. हातूंत संवसारांतलीं प्रसिद्ध व्यक्तीमत्वां मार्गदर्शन करतात. हेच माळेंत दामोदर मावजो हांकां आमंत्रीत केल्यात.
हें व्याख्यान सगल्यांक उक्तें आसा. नव्या वांगड्यांक मात पुर्वनोंदणी करची पडटली.