‘बाबा चमत्कार’ फेम ज्येश्ठ अभिनेते राघवेंद्र कडकोळ संवसाराक अंतरले

‘बाबा चमत्कार’ फेम ज्येश्ठ अभिनेते राघवेंद्र कडकोळ संवसाराक अंतरले

खबरां संस्था

मुंबयः ‘झपाटलेला’ फिल्मांत ‘बाबा चमत्कार’ ही भुमिका वठोवपी अभिनेते राघवेंद्र कडकोळ (83) हे संवसाराक अंतरले. पुण्यांतल्या घरांत तांणी निमाणो स्वास घेतलो. तांच्या फाटल्यान घरकान्न, धूव, सून आनी नातरां असो घराबो आसा.

ब्लॅक अण्ड वायट फिल्मां पसून कारकिर्दीक सुरवात करपी राघवेंद्र हांणी मराठी फिल्मांनी, नाटकांनी आनी टीव्ही सिरियलांनी कामां केल्यात. तांणी अश्रुंची झाली फुले नाटकांत धर्माप्पा ही भुमिका वठयिल्ली. तांची ही भुमिका त्या वेळार बरीच गाजिल्ली. नाटकांनी तांणी काशीनाथ घाणेकर, शरद तळवळकर अशा दिग्गज कलाकारां वांगडा काम केलां. झपाटलेला ह्या फिल्मांत तांची बाबा चमत्कार ही भुमिका बरीच गाजिल्ली.