वास्को बॅडमिंटन सर्त

वास्को बॅडमिंटन सर्त

भांगरभूंय प्रतिनिधी
दोन दिसांची वास्को बॅडमिंटन सर्त आयच्यान
मुरगांव : चिखली बॅडमिंटन क्लबान गोंय बॅडमिंटन असोसिएशनच्या जोड पालवान अखिल गोंय वास्को बॅडमिंटन सर्त आयोजीत केल्या. 30 आनी 31 जानेवारीक ती चिखली इंनडोअर स्टेडियमांत जातली. हे सर्तींत 90 खेळगडे वांटो घेतले अशी म्हायती क्लबाचे अध्यक्ष प्रवीण शेणॅाय हांणी दिली.
सर्ती खातीर 90 खेळगड्यांक स पंगडांत आसपावून घेतले. एकोडी, दोट्टी अश्यो मॅची जातल्यो. सर्तींत वस्ताद थारपी पंगडाक 25 हजार आनी उपवस्तादाक 15 रुपये इमाम म्हणून दितले. चिखली बॅडमिंटन क्बलाची नवी कार्यकारिणी फुडले भशेन वेंचून काडल्या : अध्यक्ष- प्रवीण शेणाॅय, उपाध्यक्ष- डॉ. सर्फराज, सचीव- कैलास डावणे, भांडारी- देवानंद शिरोडकर, जोड सचीव- फेड्रिक फर्नांडींस, जोड भांडारी- अनिकेत रेडक.
मजगतीं सीबीसीचे वतीने चिखली इ्नडोअरांत व्हीबीएल 2021 करंडक आनी टीम जर्सीचें अनावरण केलें. हे कार्यावळीक मुखेल सोयरे म्हणून शिपयार्डाचे देवेश शिरोडकर आनी चिखलीचे उपसरपंच कमलाप्रसाद यादव हजर आशिल्ले. सर्तीचें उक्तावण चिखली इंनडोअर स्टेडियमांच जातलें.