वास्को बॅडमिंटन लीग सर्त फाल्यांच्यान

वास्को बॅडमिंटन लीग सर्त फाल्यांच्यान

भांगरभूंय। प्रतिनिधी
पणजीः
वास्को बॅडमिंटन लिगेच्या (व्हीबीएल) चवथ्या हंगामाक 30 जानेवारी पसून सुरवात जातली. सर्त वास्कोच्या चिंचोणें बॅडमिंटन स्टेडियमाचेर जातली. सर्तीचें आयोजन चिंचोणें बॅडमिंटन क्लबान गोंय बॅडमिंटन असोसिएशनाच्या सहकार्यान केलां.   
अंजना कुमारी, यास्मीन सईद, अनार सिंगबाळ, सुशील नायक, करण धावस्कार, फ्लॉयड अरावजो, फ्रॅड्रीक फर्नांडीस, सनथ कामत, सनी सावंत, नवनीत नास्नोडकार, प्रतीक महाजन, आर्यमान सराफ, चेतन मगदूम, यश देसाय, सीया कोलवलकार आनी दिशा दत्ता हे गोंयांतले प्रसिद्ध खेळगडे वांटेकार जातले.
लिगेंत वट्ट 25 हजार रुपयांचीं इनामां दवरल्यात.  वस्तादपण जोडपी पंगडाक 15 हजारांचें जाल्यार उपवस्ताद पंगडाक 7500 रुपयांचें इनाम आनी करंड दितले. फायनल 31 जानेवारीक सांजेच्या 5 वरांचेर जातली. सर्तींत वट्ट 6 पंगड वांटेकार जातले.