टीम पेनान मुखेलपद राखलें

टीम पेनान मुखेलपद राखलें

दक्षीण आफ्रिकेचे भोंवडेर वचपी ऑस्ट्रेलियेचो पंगड वेंचलो

खबरां संस्था
सिडनीः ऑस्ट्रेलियेचो क्रिकेट पंगड फुडल्या म्हयन्यांत दक्षीण आफ्रिकेचे भोंवडेर वचपाचो आसा. हे भोंवडे खातीर क्रिकेट ऑस्ट्रेलियेन 19 वांगड्यांच्या पंगडाची घोशणा केली. हालींच भारता आडचा बॉर्डर-गावस्कर माळ 1-2 फरकान वगडावची पडल्या उपरांत ऑस्ट्रेलियेच्या टॅस्ट पंगडांत कांय बदल केल्यात. पूण टीम पेन मुखेलपदाचेर कायम आसा. भारता आड माळ हारल्या उपरांत पेनाक मुखेलपदा वयल्यान काडचो अशी मागणी ऑस्ट्रेलियेंत चालू आसा. निवड समितीन मॅथ्यू वेडाक पंगडांतल्यान भायर बसयला.
दक्षीण आफ्रिके आडचे टॅस्ट माळेचें वेळापत्रक अजून जारी करूंक ना. एलेक्स कॅरीक बॅकअप विकेटकीपर म्हणून टॅस्ट पंगडांत पयले खेपे सुवात मेळ्ळ्या.
टॅस्ट पंगडः टीम पेन (मुखेली), सीन एबट, एलेक्स कॅरी, पॅट कमिन्स, कॅमरून ग्रीन, मार्कस हॅरीस, जोश हेजलवूड, ट्रॅव्हीस हेड, मोसिस हॅनरिक्स, मार्नस लाबशेन, नॅथन लायन, मिचेल नेसेर, जेम्स पॅटिन्सन, वील पुकोवस्की, स्टीव स्मिथ, मिचेल स्टार्क, मार्क स्टेकिटी, मिचेल स्वेप्सन आनी डॅव्हिड वॉर्नर.