आफ्रिकेचो डाव 220चेर सोंपलो

आफ्रिकेचो डाव 220चेर सोंपलो

खबरां संस्था
कराचीः पाकिस्तान आनी दक्षीण आफ्रिका ह्या पंगडां मदीं आयच्यान हांगाच्या नॅशनल स्टेडियमाचेर माळेंतले पयले टॅस्टीक सुरवात जाली. दोनूय पंगड पाकिस्तानांत 13 वर्सांनी खेळटात. येजमान पाकिस्तानान उत्कृश्ठ प्रदर्शन करतना दक्षीण आफ्रिकेचो पयलो 220 धांवड्यांचेर सोंपयलो. पूण, धांवड्यांचो फाटलाव करतना पाकिस्तानाची बाबत सुरवात जाली.
पाकिस्ताना वतीन स्पिनर यासिर शाहान 54 धांवड्यो दिवन 3 विकेटी घेतल्यो. जाल्यार फास्ट बॉलर शाहीन आफ्रिदी आनी नमैन अली हाणें दरेकी दोन विकेटी मेळयल्यो.
धांवड्यांचो फाटलाव करतना पाकिस्तानान पयल्या डावांत 4 विकेटी वगडावन 33 धांवड्यो केल्यात. पयल्या दिसाचो खेळ सोंपलो त्या वेळार अझर अली 5 आनी फवाद अली 5 धांवड्यांचेर खेळटालो.
इमरान बट्ट (7) आनी अबीद अली (4) हांकां कगिसो रबाडान बाद केले जाल्यार मुखेली बाबर आजम (7) आनी शाहिन आफ्रिदीक (0) वळेरी केशव महाराज आनी नोर्जे हाणें बाद केलो.