राम गोपाल वर्माचे वादग्रस्त वक्तव्य; मानले दाऊदाचे उपकार

राम गोपाल वर्माचे वादग्रस्त वक्तव्य; मानले दाऊदाचे उपकार

खबरां संस्था
मुंबयः प्रसिद्ध दिग्दर्शक राम गोपाल वर्मान सदांच वादग्रस्त वक्तव्यांक लागून चर्चेंत आसता. ताणें आतां आनीक एक वादग्रस्त विधान केलें. राम गोपाल वर्मान एके मुलाखतींत गॅंगस्टर दाऊद इब्राहिमाचें उपकार मानल्यात. ‘स्पॉटबॉय’चे मुलाखतींत ताणें हें वक्तव्य केलां.


राम गोपाल वर्माचें डी कपनी हें फिल्म रोखडेंच प्रदर्शीत जावपाचें आसा. ह्या फिल्मा निमतान ताणें एक मुलाखत दिल्ली. हे मुलाखतींत ताणें दाऊदाचे उपकार मानल्यात.
डी कंपनी हें फिल्म 2021त कोरोना विशाणू भशेन सगल्यात पातळतलो आनी ताका कसलीस लस आसची ना. तशेंच गॅंगस्टर सारक्या फिल्मा खातीर आपूण दाऊद इब्राहिमाचे उपकार मानता अशें मुलाखतींत राम गोपाल वर्मान म्हणला. तांच्या ह्या वक्तव्या उपरांत सोशल मिडियाचेर तांचेर सगले वटेन टिका जावपाक लागल्या.
मजगतीं, सध्या राम गोपाल वर्माक बॉलिवूडांत बंदी घाल्या. ताणें फिल्मां कडेन संबंदीत कलाकार आनी हेर कर्मचाऱ्यांचे सुमार 1.5 कोटी रुपया दिवपाचे आसात. ताका लागून फॅडरेशन ऑफ वॅस्टर्न इंडिया सिने एम्प्लॉयजान (एफडब्ल्यूआयसीई) एक बसका घेतिल्ली. हे बसकेंत फॅडरेशनाच्या 32 संघटणांनी राम गोपाल वर्मा कडेन काम करचे नात अशें म्हणलां. ताका लागून सध्या राम गोपाल वर्मा बॉलिवूडा भायल्या फिल्मांची निर्मिती करता अशी चर्चा आसा.