अमेरिकेचे प्रसिद्ध टिव्ही होस्ट लॅरी किंग अंतरले

अमेरिकेचे प्रसिद्ध टिव्ही होस्ट लॅरी किंग अंतरले

खबरां संस्था

वॉशिंग्टनः अमेरिकेंतले प्रसिद्ध टिव्ही होस्ट लॅरी किंग (87) हे संवसाराक अंतरले. ओरा मिडियान किंग हांकां मरण आयिल्ल्याची खबर दिल्या. किंग हांणी लॉस एंजिल्स मॅडिकल सेंटरांत निमाणो स्वास घेतलो. ओरान मरण फाटलें कारण सांगूंक ना. लॅरी किंग ओरा मिडियाचे सह संस्थापक आशिल्ले.

लॅरी किंग हांकां कांय दिसां आदीं कोरोनाचो संसर्ग जाल्लो. ते उपरांत तांकां उपचारा खातीर लॉस एंजिल्साच्या सिडर सिनाई हॉस्पिटलांत भरती केल्ले.

फाटल्या कांय दिसां पसून लॅरी किंग दुयेंत आशिल्ले. लॅरी किंग अमेरिकेंतले प्रसिद्ध टीव्ही होस्ट आशिल्ले. तांणी अमेरिकेच्या साबार राष्ट्राध्यक्षां सयत प्रसिद्ध व्यक्तींची मुलाखत घेतल्या.

रेडियो आनी टिव्हीचेर 60 वर्सां परस चड काळ सक्रीय रावपी लॅरी किंग हांणी सीएनएनाचो प्रसिद्ध शो ‘लॅरी किंग लायव्ह’ 25 वर्सां मेरेन होस्ट केला.