अलीबाबा ग्रुपाचे संस्थापक जॅक मा दोन म्हयन्यां पसून बेपत्ता?

अलीबाबा ग्रुपाचे संस्थापक जॅक मा दोन म्हयन्यां पसून बेपत्ता?

खबरां संस्था

बिजींगः चीनाचे अब्जाधीश आनी अलीबाबा ग्रुपाचे संस्थापक जॅक मा फाटल्या दोन म्हयन्यां पसून कोणांकूच दिसूंक ना. ताका लागून जॅक मा बेपत्ता आशिल्ल्याचो दुबाव उप्रासला. आफ्रिका बिझनेस हिरोज ह्या तांच्या स्वताचेच टॅलेंट कार्यावळींत उपस्थीत रावंक नाशिल्ल्यान दुबाव चड वाडला.

जॅक मा हे कार्यावळीचे परिक्षक आशिल्ले. पूण, नोव्हेंबरांत जाल्ले फेरयेंत तांचे सुवातेर अलीबाबा ग्रुपाचे कार्यकारी अधिकाऱ्यान हाजेरी लायली. तांचो फोटो लेगीत वॅबसायटी वयल्यान काडून उडयला.

जॅक मा हांणी 24 ऑक्टोबराक बिजिगांत वादग्रस्त भाशण दिवन चीनांतल्या नियामक प्रणालीचेर टिका केल्ली. बॅकिंग वेवस्थेचेर लेगीत तांणी टिका केल्ली. ह्या भाशणा उपरांत तांचें उद्देग साम्राज्य चीन सरकाराच्या निशाण्याचेर आसा.

आयची वित्तीय वेवस्था ही सामकीं पोरणी उद्देगाचेर आदारीत आसा. नवे पिळगे खातीर हातूंत निश्चीत रितीन बदल करपाक जाय अशें जॅक मा हांणी म्हणिल्लें. जॅक मा हांच्या अॅंटाच्या आयपीयोक चीनान पाचवो बावटो दाखयिल्लो. पूण, त्या भाशणा उपरांत कांय सप्तकां भितर ताचो परवानो रद्द केलो. अॅंट हातूंत विवीद त्रुटी आशिल्ल्याचो ठपको शांगाय स्टॉक एक्सेंजान दवरलो.